உலகின் புகழ்பெற்ற இரு சக்கர வாகன தயாரிப்பு நிறுவனமான டூகாட்டி, தனது மிகவும் விலை உயர்ந்த பைக்குகளுக்கு பெயர் பெற்றது. சாலைகளில் இந்த பைக்குகள் சென்றால் அனைவரின் கவனத்தையும் ஈர்க்கும் வகையில் தனித்துவமானவை. அந்த வகையில், டூகாட்டி நிறுவனத்தின் மாடல்களில் விலை குறைவாகக் கருதப்படும் Ducati Scrambler Icon பைக் பற்றிய விவரங்களை விரிவாகக் காண்போம்.
இந்த பைக் விலை குறைவு என்றாலும், ஒரு வீடு கட்டும் அளவிற்கு இதன் விலை உள்ளது. இதில் மொத்தம் மூன்று வேரியண்ட்கள் விற்பனைக்கு உள்ளன. முதலாவதாக, Scrambler Icon Dark மாடல் ரூபாய் 12 லட்சத்து 75 ஆயிரத்து 073 விலையில் வருகிறது. இரண்டாவதாக, Scrambler Icon Base மாடல் ரூபாய் 13 லட்சத்து 93 ஆயிரத்து 633 விலையில் கிடைக்கிறது. இறுதியாக, Scrambler Icon 10 Anniversario Rizoma Edition மாடல் ரூபாய் 19 லட்சத்து 96 ஆயிரத்து 186 என்ற விலையில் விற்பனை செய்யப்படுகிறது.
என்ஜின் மற்றும் செயல்திறன் குறித்துப் பார்க்கையில், இந்த பைக்கில் 803 சிசி என்ஜின் பொருத்தப்பட்டுள்ளது. இது ஒரு லிட்டருக்கு 19 கிலோமீட்டர் மைலேஜ் வழங்கும் என எதிர்பார்க்கப்படுகிறது. மேலும், இதில் 6 கியர்கள் உள்ளன. 13.5 லிட்டர் கொள்ளளவு கொண்ட பெட்ரோல் டேங்க் பொருத்தப்பட்டுள்ளது. இருக்கையின் உயரம் 795 மி.மீட்டர் ஆகும். இந்த பைக் கருப்பு, சிவப்பு, மஞ்சள் மற்றும் வெள்ளை கருப்பு ஆகிய நிறங்களில் கிடைக்கிறது.
இந்த டூகாட்டி பைக் அதிகபட்சமாக மணிக்கு 299 கிலோமீட்டர் வேகத்தில் செல்லக்கூடியது. இது 65.2 என்எம் டார்க் இழுவிசையையும், 71.87 பிஎச்பி குதிரைத்திறனையும் கொண்டுள்ளது. இதில் 1 கியர் கீழேவும், மற்ற 5 கியர்கள் மேலேவும் செயல்படும் வகையில் வடிவமைக்கப்பட்டுள்ளது. அசிஸ்ட் மற்றும் ஸ்லிப்பர் கிளட்ச் வசதியும் இதில் இடம்பெற்றுள்ளது. ஒரு முறை பெட்ரோல் டேங்கை முழுமையாக நிரப்பினால், சுமார் 257 கிலோமீட்டர் தூரம் வரை பயணிக்க முடியும்.
இந்த பைக் ரோட் மற்றும் ஸ்போர்ட் மோட்களில் இயக்கக்கூடியது. பாதுகாப்பிற்காக டூயல் சேனல் ஏபிஎஸ் பிரேக்கிங் சிஸ்டம் வழங்கப்பட்டுள்ளது. முன்பக்கம் மற்றும் பின்பக்கம் என இரண்டு சக்கரங்களிலும் டிஸ்க் பிரேக்குகள் பொருத்தப்பட்டுள்ளன. அலாய் சக்கரங்கள் பயன்படுத்தப்பட்டுள்ளன. முன்பக்க சக்கரம் 18 இன்ச் அளவிலும், பின்பக்க சக்கரம் 17 இன்ச் அளவிலும் உள்ளது. ட்யூப்லெஸ் டயர்கள் பயன்படுத்தப்பட்டுள்ளன.
இந்த பைக்கின் சிறப்பம்சங்களாக, முன்பக்கத்தில் அப்சைட் டவுன் கயாபா 41 மி.மீட்டர் ஃபோர்க் சஸ்பென்ஷன் மற்றும் பின்பக்கத்தில் கயாபா ரியர் ஷாக் சஸ்பென்ஷன் பொருத்தப்பட்டுள்ளது. இதன் கிரவுண்ட் கிளியரன்ஸ் 176 மி.மீட்டர் ஆகும். மேலும், 4 லிட்டர் ரிசர்வ் டேங்கர் வசதியும் உள்ளது. 4.3 இன்ச் டிஎஃப்டி டிஸ்ப்ளே பொருத்தப்பட்டுள்ளது.
டிஜிட்டல் முறையில் ஸ்பீடோமீட்டர், ஓடோமீட்டர், 2 ட்ரிப்மீட்டர் ஆகியவை காண்பிக்கப்படும். டிஸ்டன்ஸ் டூ எம்டி வசதி, வாய்ஸ் அசிஸ்ட் வசதி, ஸ்டாண்ட் அலாரம், கியர் இண்டிகேட்டர், கியர் ஷிப்ட் லைட், லோ பேட்டரி இண்டிகேட்டர், லோ ஃபியூல் இண்டிகேட்டர், லோ ஆயில் இண்டிகேட்டர், ஹசார்ட் வார்னிங் இண்டிகேட்டர், ஹை பீம் இண்டிகேட்டர், என்ஜின் மால்ஃபங்ஷன் இண்டிகேட்டர் போன்ற பல்வேறு வசதிகள் இதில் அடங்கும். மேலும், கால் மற்றும் எஸ்எம்எஸ் அலர்ட் வசதியும் இதில் வழங்கப்பட்டுள்ளது.
இந்த பைக்கில் எல்இடி முகப்பு விளக்குகள், பகலிலும் எரியும் விளக்குகள், பிரேக் விளக்குகள் மற்றும் டெயில் விளக்குகள் என அனைத்தும் எல்இடி தொழில்நுட்பத்தில் பொருத்தப்பட்டுள்ளன. இது பைக்கிற்கு ஒரு நவீன தோற்றத்தை அளிக்கிறது.
