சென்னையின் பெரம்பூரில் அமைந்துள்ள எஸ்.பி.ஆர். சிட்டியில், நவராத்திரி பண்டிகையை முன்னிட்டு 47.8 அடி உயர பிரமாண்ட கொலு ஒன்று அமைக்கப்பட்டுள்ளது. இது உலக சாதனை முயற்சியாக லண்டனைச் சேர்ந்த வேர்ல்ட் புக் ஆஃப் ரெக்கார்ட்ஸ் (World Book of Records) அமைப்பின் அங்கீகாரத்திற்காக சமர்ப்பிக்கப்பட்டுள்ளது.
இந்த அசாதாரணமான கொலு, அக்டோபர் 11 முதல் 20 ஆம் தேதி வரை பொதுமக்களின் பார்வைக்காகத் திறந்திருக்கும். எஸ்.பி.ஆர். சிட்டி நவராத்திரி உத்சவத்தின் ஒரு பகுதியாக இந்த முயற்சி மேற்கொள்ளப்பட்டுள்ளது. இதற்கு முன்னர், 2012 ஆம் ஆண்டு சென்னையில் அமைக்கப்பட்ட 36.4 அடி உயரக் கொலு, இந்தியா புக் ஆஃப் ரெக்கார்ட்ஸ் (India Book of Records) அமைப்பால் பதிவு செய்யப்பட்டிருந்தது குறிப்பிடத்தக்கது. புதிய சாதனைக்கான அங்கீகாரம் அதிகாரப்பூர்வ சரிபார்ப்புக்குப் பின்னரே உறுதி செய்யப்படும்.
எஸ்.பி.ஆர். சிட்டியில் உள்ள 47 தளங்களைக் கொண்ட குடியிருப்பு வளாகம், சென்னை நகரின் மிக உயரமான குடியிருப்பு வளாகமாகத் திகழ்கிறது. இந்தச் சிறப்பம்சத்தை அடிப்படையாகக் கொண்டு, அதே 47 என்ற எண்ணிக்கையுடன் தொடர்புடைய 47.8 அடி உயரத்தில் கொலு அமைக்கப்பட்டுள்ளது. இது சென்னையின் முக்கிய அடையாளத்தையும், தமிழ்நாட்டின் பாரம்பரியப் பண்டிகையான நவராத்திரி கொலு மரபையும் இணைக்கும் ஒரு முயற்சியாகும்.
இந்த பத்து நாள் விழாவில், தினசரி பூஜைகள், கலை நிகழ்ச்சிகள், இசை நிகழ்ச்சிகள் மற்றும் குடும்பத்தினர் பங்கேற்கும் பல்வேறு செயல்பாடுகள் நடைபெறும். சென்னையின் பல்வேறு பகுதிகளைச் சேர்ந்த மக்களை ஒன்றிணைத்து, நவராத்திரி மற்றும் கொலு பாரம்பரியத்தைக் கொண்டாடுவதே இந்த விழாவின் முக்கிய நோக்கமாகும்.
விழாவில் எஸ்.பி.ஆர். இந்தியா நிறுவனத்தின் இயக்குனர் திரு. நவின் ரங்கா, வருவாய்ப் பிரிவு துணைத் தலைவர் திரு. பிரகாஷ் மோகனசுந்தரம், விற்பனை மற்றும் மார்க்கெட்டிங் பிரிவிற்கான முதுநிலை துணைத் தலைவர் திரு. பாலகுமார் சந்திரசேகரன் உள்ளிட்டோர் கலந்துகொண்டனர்.
இது குறித்து எஸ்.பி.ஆர். குழுமத்தின் நிர்வாக இயக்குநர் திரு. ஹிதேஷ் கவாட் கூறுகையில், 'நவராத்திரி என்பது தாய்மை, பாரம்பரியம், பக்தி மற்றும் ஒற்றுமையைக் கொண்டாடும் திருவிழாவாகும். இந்தியக் கலாசாரம் உலகிலேயே மிகவும் தனித்துவமானது. 4,500-க்கும் மேற்பட்ட கொலு பொம்மைகள் மனித வாழ்வின் பல்வேறு அம்சங்களை எடுத்துரைக்கின்றன. உலக சாதனை முயற்சியைப் பொறுத்தவரை, எஸ்.பி.ஆர். சிட்டியில் அமைந்துள்ள எங்களது டவர் எச்(Tower H)-இன் 47 தளங்களால் ஈர்க்கப்பட்டே 47.8 அடி உயரக் கொலுவை அமைக்கிறோம். இந்தப் பாரம்பரியத்தையும், செழிப்பையும் புதிய உயரத்திற்குக் கொண்டு செல்வதே எங்களது முயற்சியாகும். சென்னையைச் சேர்ந்த அனைவரையும் இந்தக் கொண்டாட்டத்தில் பங்கேற்க அன்புடன் வரவேற்கிறோம்' என்று தெரிவித்தார்.
எஸ்.பி.ஆர். இந்தியா-வின் இயக்குநர் திரு. நவின் ரங்கா மேலும் கூறுகையில், 'உயரமான கட்டிடம் என்பது பணக்காரர்களுக்கான விஷயம் மட்டுமல்ல. அது பண்பானவர்களுக்கும் உரியது தான். நம் சென்னை நகரில் வசிக்கும் ஒவ்வொருவரும் ஹெச்.என்.ஐ. (HNI – High Net-worth Individual) அந்தஸ்து உடையவர் தான். ஹெச்.என்.ஐ. என்றால் உயர் மதிப்பு கொண்ட குடிமகன் என்பது மட்டும் அர்த்தம் அல்ல. நம் சென்னையில் ஒவ்வொரு குடிமகனும் உயரிய நற்பண்புகளான நல்லிணக்கம் (Harmony), உயரிய நற்பண்புகள் (Nobility), அக அமைதி (Inner Peace) ஆகியவற்றைக் கொண்டிருப்பதையும் குறிக்கிறது. இதுவே உலகின் மிக உயரமான கொலுவின் நோக்கமாகும்' என்றும் விளக்கினார்.
பொதுமக்கள் இந்த சிறப்பு கொண்டாட்டத்தில் அக்டோபர் 11 முதல் 20, 2026 வரை எஸ்.பி.ஆர். சிட்டி (SPR City) / மார்க்கெட் ஆப் இந்தியா (Market of India) எக்ஸ்பீரியன்ஸ் சென்டர் (Experience Centre), பெரம்பூரில் இலவசமாகப் பங்கேற்கலாம்.
