ராமநாதபுரம் மாவட்டம் முதுகுளத்தூரில், அரசு பேருந்து ஓட்டுநர் ஒருவர் பயணிகளின் பாதுகாப்பு குறித்து சிறிதும் கவலைப்படாமல், செல்போனில் பேசிக்கொண்டே பேருந்தை இயக்கிய சம்பவம் பெரும் அதிர்ச்சியை ஏற்படுத்தியுள்ளது.
இந்த அதிர்ச்சியூட்டும் சம்பவம் முதுகுளத்தூர் பேருந்து நிலையத்தில் இருந்து புறப்பட்ட அரசு பேருந்தில் நிகழ்ந்துள்ளது. பேருந்து ஓட்டுநர் தனது ஒரு கையில் ஸ்டேரிங்கை பிடித்துக்கொண்டு, மறு கையில் செல்போனை வைத்துக்கொண்டு உரையாடியபடி பேருந்தை ஓட்டிச் சென்றுள்ளார். இது பயணிகளின் மத்தியில் பெரும் அச்சத்தை ஏற்படுத்தியுள்ளது.
பேருந்தில் பயணம் செய்த பயணிகளில் ஒருவர், இந்த ஆபத்தான செயலை தனது செல்போனில் வீடியோவாக பதிவு செய்துள்ளார். இந்த வீடியோ தற்போது சமூக வலைதளங்களில் வேகமாக பரவி வருகிறது. இதில், ஓட்டுநர் செல்போனில் தீவிரமாக பேசிக்கொண்டிருப்பது தெளிவாக தெரிகிறது.
பயணிகளின் உயிரையும் உடைமைகளையும் பாதுகாப்பாக கொண்டு சேர்க்க வேண்டிய ஓட்டுநர், இதுபோன்ற பொறுப்பற்ற செயல்களில் ஈடுபடுவது பயணிகளிடையே கொந்தளிப்பை ஏற்படுத்தியுள்ளது. இது போன்ற செயல்கள் விபத்துக்களுக்கு வழிவகுக்கும் அபாயம் உள்ளதாக பலரும் சுட்டிக்காட்டியுள்ளனர்.
இந்த சம்பவம் தொடர்பாக, போக்குவரத்துத்துறை அதிகாரிகள் உடனடியாக தலையிட்டு, சம்பந்தப்பட்ட ஓட்டுநர் மீது உரிய விசாரணை நடத்தி, கடுமையான நடவடிக்கை எடுக்க வேண்டும் என பயணிகள் மற்றும் சமூக ஆர்வலர்கள் கோரிக்கை விடுத்துள்ளனர். மேலும், இதுபோன்ற சம்பவங்கள் மீண்டும் நிகழாமல் தடுக்க கடுமையான விதிமுறைகளை அமல்படுத்த வேண்டும் என்றும் வலியுறுத்தியுள்ளனர்.
செல்போனில் பேசிக்கொண்டே பேருந்தை இயக்கிய ஓட்டுநரின் இந்த செயல், பொதுப் போக்குவரத்தில் பாதுகாப்பு குறித்த கேள்விகளை எழுப்பியுள்ளது. அதிகாரிகள் விரைந்து நடவடிக்கை எடுப்பார்கள் என எதிர்பார்க்கப்படுகிறது.
