நாடு முழுவதும் உள்ள சர்வதேச விமான நிலையங்களில் பயணச்சீட்டில் முத்திரை குத்தும் முறை செப்டம்பர் 1 முதல் நிறுத்தப்படுகிறது. இது பயணிகளுக்கு பெரும் சிரமத்தை ஏற்படுத்தி வருவதாக கண்டறியப்பட்டதை அடுத்து இந்த முடிவு எடுக்கப்பட்டுள்ளது. மத்திய உள்துறை அமைச்சகத்தின் கீழ் செயல்படும் குடிவரவு பணியகம் இந்த உத்தரவை பிறப்பித்துள்ளது. இனிமேல், வெளிநாடுகளுக்கு செல்லும் இந்திய பயணிகள் தங்களது ஸ்மார்ட்போனில் உள்ள இ-டிக்கெட் அனுமதிச் சீட்டை காண்பித்தால் போதுமானது. இது தொடர்பாக அதிகாரிகள் கூறுகையில், 'பயணச்சீட்டுகளில் முத்திரையிடுவதால் அவற்றை படிப்பது கடினமாக இருந்தது. மேலும், பயணிகளுக்கு நேரடியாக முத்திரையிடுவதும் சிரமத்தை ஏற்படுத்தியது. இதுகுறித்து தொடர்ச்சியாக புகார்கள் வந்தன. அதன் எதிரொலியாக, பயணச்சீட்டுகளில் முத்திரை குத்தும் முறையை நீக்க முடிவு செய்யப்பட்டுள்ளது' என்று தெரிவித்தனர். இந்த புதிய நடைமுறை பயணிகளின் சிரமங்களை குறைக்கும் என எதிர்பார்க்கப்படுகிறது. ஸ்மார்ட்போனில் இ-டிக்கெட் காட்டுவது பயண நேரத்தை மிச்சப்படுத்தும் என்றும், பயணிகளின் அனுபவத்தை மேம்படுத்தும் என்றும் எதிர்பார்க்கப்படுகிறது.
