இந்தியாவில் மின்சார வாகன தயாரிப்பில் முன்னணி நிறுவனமாக ஏதர் திகழ்கிறது. இந்நிறுவனத்தின் இ-ஸ்கூட்டர்கள் வாடிக்கையாளர்கள் மத்தியில் பெரும் வரவேற்பை பெற்றுள்ளன. பல்வேறு மாடல்களில் கிடைக்கும் ஏதர் இ-ஸ்கூட்டர்களின் சிறப்பம்சங்கள் மற்றும் விலைப் பட்டியலை விரிவாகக் காண்போம்.
Ather Rizta மாடல் இ-ஸ்கூட்டர் 1 லட்சத்து 29 ஆயிரத்து 419 ரூபாய் விலையில் கிடைக்கிறது. இதில் 20 வேரியண்ட்கள் உள்ளன. 2.9 கிலோவாட் மற்றும் 3.7 கிலோவாட் பேட்டரி வசதியுடன் வரும் இந்த ஸ்கூட்டர், அதிகபட்சமாக 160 கிலோமீட்டர் வரை மைலேஜ் அளிக்கும் திறன் கொண்டது.
Ather 450X இ-ஸ்கூட்டர் 1 லட்சத்து 61 ஆயிரத்து 994 ரூபாய் விலையில் 4 வேரியண்ட்களில் கிடைக்கிறது. 2.9 கிலோவாட், 3.7 கிலோவாட் பேட்டரி கொண்ட இந்த மாடல், ஒரே சார்ஜில் 161 கிலோமீட்டர் வரை மைலேஜ் தரும். Ather 450S மாடல் 1 லட்சத்து 45 ஆயிரத்து 188 ரூபாய் விலையில் 4 வேரியண்ட்களில் கிடைக்கிறது. இது 115 கிலோமீட்டர் மற்றும் 161 கிலோமீட்டர் வரை மைலேஜ் அளிக்கும். Ather 450 Apex மாடல் 2 லட்சத்து 4 ஆயிரத்து 901 ரூபாய் விலையில் 3.7 கிலோவாட் பேட்டரியுடன் வருகிறது. இது 157 கிலோமீட்டர் வரை மைலேஜ் அளிக்கும்.
ஏதர் இ-ஸ்கூட்டர்கள் அவற்றின் சிறந்த மைலேஜ் மற்றும் தரமான சேவைக்காக அறியப்படுகின்றன. அனைத்து மாடல்களிலும் டிஸ்க் பிரேக், அலாய் சக்கரங்கள், எல்இடி முகப்பு விளக்குகள், டிஜிட்டல் ஸ்பீடோமீட்டர், ஓடோமீட்டர், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர் போன்ற வசதிகள் உள்ளன. மேலும், ப்ளூடூத் மற்றும் இணைய இணைப்பு வசதியும் உண்டு. பேட்டரிக்கு குறைந்தபட்சம் 3 வருடங்கள் முதல் அதிகபட்சம் 5 வருடங்கள் வரை வாரண்ட்டி வழங்கப்படுகிறது.
ஓலா போன்ற பிற நிறுவனங்கள் போட்டியாளர்களாக இருந்தாலும், ஏதர் இ-ஸ்கூட்டர்களின் தரம் காரணமாக சந்தையில் தொடர்ந்து நல்ல வரவேற்பைப் பெற்று வருகின்றன.
