இந்தியாவில் மின்சார வாகனங்களின் பயன்பாடு, குறிப்பாக மின்சார ஸ்கூட்டர்களின் பயன்பாடு, பெட்ரோல் ஸ்கூட்டர்களுக்கு நிகராக வளர்ந்து வருகிறது. இந்த வளர்ந்து வரும் சந்தையில், Ather நிறுவனம் தனது புதிய Ather 450 Apex இ-ஸ்கூட்டரை அறிமுகப்படுத்தி வாடிக்கையாளர்களைக் கவர்ந்துள்ளது.
Ather 450 Apex இ-ஸ்கூட்டரின் விலை ரூபாய் 2 லட்சத்து 4 ஆயிரத்து 901 என நிர்ணயிக்கப்பட்டுள்ளது. இந்த ஸ்கூட்டரின் முக்கிய சிறப்பம்சமாக, ஒரு முறை முழுமையாக சார்ஜ் செய்தால் 157 கிலோமீட்டர் தூரம் வரை பயணிக்க முடியும். மேலும், இந்த ஸ்கூட்டரில் அதிகபட்சமாக மணிக்கு 100 கிலோமீட்டர் வேகத்தில் செல்ல முடியும். இதன் எடை 111.6 கிலோகிராம் ஆகும்.
இந்த இ-ஸ்கூட்டரை முழுமையாக சார்ஜ் செய்வதற்கு சுமார் 5 மணி நேரம் 45 நிமிடங்கள் ஆகிறது. இதன் இருக்கை உயரம் 780 மில்லிமீட்டர் ஆகும். தற்போது நீல நிறத்தில் மட்டுமே இந்த Ather 450 Apex இ-ஸ்கூட்டர் கிடைக்கிறது. இது 26 Nm டார்க் இழுதிறன் கொண்டது. வெறும் 2.9 நொடிகளில் 40 கிலோமீட்டர் வேகத்தை எட்டிவிடும் திறன் கொண்டது.
Ather 450 Apex இ-ஸ்கூட்டரில் எகோ, ரைட், ஸ்போர்ட் மற்றும் வார்ப்ஸ் ப்ளஸ் போன்ற பல்வேறு ரைடிங் மோட்கள் வழங்கப்பட்டுள்ளன. இதில் பிஎம்எஸ் மோட்டார் பொருத்தப்பட்டுள்ளது. மேலும், 3.7 கிலோவாட் பேட்டரி மற்றும் 1 நிரப்பக்கூடிய பேட்டரி இதில் இடம்பெற்றுள்ளது. ஃபாஸ்ட் சார்ஜிங் வசதியும் இதில் கிடைக்கிறது.
இந்த ஸ்கூட்டரில் லித்தியம் அயன் பேட்டரி பயன்படுத்தப்பட்டுள்ளது. போர்ட்டபிள் சார்ஜர் வசதி, சிபிஎஸ் பிரேக்கிங் சிஸ்டம் வசதி ஆகியவை இதில் உள்ளன. முன்பக்கத்திலும் பின்பக்கத்திலும் டிஸ்க் பிரேக் பொருத்தப்பட்டுள்ளது. அலாய் சக்கரங்கள் பயன்படுத்தப்பட்டுள்ளன. முன்பக்கம் மற்றும் பின்பக்கம் 12 இன்ச் சக்கரங்கள் பொருத்தப்பட்டுள்ளன, இவை ட்யூப்லெஸ் டயர்களாகும்.
முன்பக்கத்தில் டெலஸ்கோபிக் ஃபோர்க்ஸ் சஸ்பென்சனும், பின்பக்கத்தில் மோனோஷாக் சஸ்பென்சனும் கொடுக்கப்பட்டுள்ளது. 170 மில்லிமீட்டர் கிரவுண்ட் கிளியரன்ஸ் வசதி உள்ளது. பேட்டரிக்கு 5 வருடங்கள் அல்லது 60 ஆயிரம் கிலோமீட்டர் வரை வாரண்டியும், மோட்டாருக்கு 3 வருடங்கள் வாரண்டியும் வழங்கப்படுகிறது.
டிஜிட்டல் டச் டிஸ்ப்ளே, ப்ளூடூத் மற்றும் இன்டர்நெட் வசதி, ஜிபிஎஸ் நேவிகேஷன் வசதி ஆகியவை இதில் உள்ளன. ஸ்பீடோமீட்டர், ஓடோமீட்டர் போன்றவை டிஜிட்டலில் காட்டப்படும். வாய்ஸ் அசிஸ்ட் வசதி, 1 ட்ரிப்மீட்டர், ஸ்டாண்ட் அலார்ம், லோ பேட்டரி இண்டிகேட்டர், ஹைபீம் இண்டிகேட்டர், கால்/எஸ்எம்எஸ் அலர்ட், நேரம் பார்க்கும் வசதி போன்ற பல வசதிகள் இதில் அடங்கும்.
செல்ஃப் ஸ்டார்ட் வசதி, சைட் ஸ்டாண்ட் இன்ஜின்/மோட்டார் கட் ஆஃப் வசதி, ஹில் அசிஸ்ட் வசதி, பார்க்கிங்கிற்கான ரிவர்ஸ் மோட் வசதி, ஸ்டார்ட்/ஸ்டாப் பட்டன், பேட்டரி ஸ்டேட்டஸ், லைவ் சார்ஜிங் ஸ்டேட்டஸ் போன்ற நவீன வசதிகளும் இதில் கொடுக்கப்பட்டுள்ளன. மேலும், எல்இடி முகப்பு விளக்குகள், பகலில் எரியும் விளக்குகள், பிரேக்/டெயில் விளக்குகள் மற்றும் 22 லிட்டர் டிக்கி வசதியும் இதில் உள்ளது.
