அக்கம் பக்கம் செல்ல Ampere Reo இ-ஸ்கூட்டர்: விலை, மைலேஜ் விவரங்கள்!

இந்தியாவில் மின்சார ஸ்கூட்டர்களின் தேவை அதிகரித்து வரும் நிலையில், Ampere Reo இ-ஸ்கூட்டர் அனைவரையும் கவரும் வகையில் சிறப்பான அம்சங்களுடன் வந்துள்ளது. குறிப்பாக, சீனியர் சிட்டிசன்கள், இளைஞர்கள், பெண்கள் என அனைத்து தரப்பினருக்கும் ஏற்றதாக இது வடிவமைக்கப்பட்டுள்ளது.

Ampere Reo இ-ஸ்கூட்டரில் இரண்டு வேரியண்ட்கள் உள்ளன: Reo 80 மற்றும் Reo VYB. இவற்றின் விலைகள் முறையே ரூபாய் 65,073 மற்றும் ரூபாய் 74,116 என நிர்ணயிக்கப்பட்டுள்ளது. இந்த ஸ்கூட்டரில் 1.44 கிலோவாட் பேட்டரி பொருத்தப்பட்டுள்ளது. ஒருமுறை முழுமையாக சார்ஜ் செய்ய 5.30 மணி நேரம் ஆகும். இதன் மூலம், ஒருமுறை சார்ஜில் 80 கிலோமீட்டர் வரை பயணிக்க முடியும். மேலும், இதன் அதிகபட்ச வேகம் மணிக்கு 25 கிலோமீட்டர் ஆகும். ஸ்கூட்டரின் எடை 71.4 கிலோ ஆகும்.

இந்த Ampere Reo இ-ஸ்கூட்டர், ஸ்டாண்டர்ட் பிரேக்கிங் சிஸ்டத்துடன் வருகிறது. முன்பக்கத்தில் டிஸ்க் பிரேக் மற்றும் பின்பக்கத்தில் ட்ரம் பிரேக் பொருத்தப்பட்டுள்ளது. அலாய் சக்கரங்கள், முன்பக்கம் மற்றும் பின்பக்கம் 10 இன்ச் அளவுடையதாக உள்ளன. டெலிஸ்கோபிக் சஸ்பென்ஷன் முன்பக்கத்திலும், காயில் ஸ்ப்ரிங் சஸ்பென்ஷன் பின்பக்கத்திலும் இடம்பெற்றுள்ளன. கிரவுண்ட் கிளியரன்ஸ் 155 மி.மீட்டர் ஆகும். பேட்டரிக்கு 3 வருடங்கள் அல்லது 30 ஆயிரம் கிலோமீட்டர் வரை வாரண்டி வழங்கப்படுகிறது.

மேலும், இந்த இ-ஸ்கூட்டரில் எல்சிடி டிஸ்ப்ளே, ஸ்பீடோமீட்டர், ஓடோமீட்டர், ட்ரிப்மீட்டர் ஆகியவை டிஜிட்டல் முறையில் உள்ளன. ஸ்டாண்ட் அலாரம், லோ பேட்டரி இண்டிகேட்டர், ஹை பீம் இண்டிகேட்டர் போன்ற வசதிகளும் இதில் அடங்கும். யுஎஸ்பி சார்ஜிங் போர்ட், செல்ஃப் ஸ்டார்ட், ரிவர்ஸ் மோட், ஸ்டார்ட்/ஸ்டாப் பட்டன், எல்இடி முகப்பு விளக்குகள், ஹாலோஜன் சிக்னல் விளக்குகள் போன்ற சிறப்பம்சங்களும் இதில் இடம்பெற்றுள்ளன.

Author

Fernandez

Senior Reporter

Fernandaz – MDTV 24x7 News நிறுவனத்தின் Senior Reporter மற்றும் General News Writer ஆக பணியாற்றி வருகிறார். அரசியல், சமூக நிகழ்வுகள், மக்கள் பிரச்சினைகள் மற்றும் முக்கிய நடப்பு செய்திகளை துல்லியமாகவும் விரைவாகவும் மக்களிடம் கொண்டு சேர்ப்பதில் அனுபவம் பெற்றவர். நம்பகமான தகவல்களை தரமான செய்திகளாக வழங்கும் நோக்கத்துடன் செய்தித்துறையில் தொடர்ந்து செயல்பட்டு வருகிறார்.