இந்தியாவில் மின்சார வாகனங்களின் பயன்பாடு நாளுக்கு நாள் அதிகரித்து வருவதால், பல நிறுவனங்கள் மின்சார ஸ்கூட்டர்கள் தயாரிப்பில் ஆர்வம் காட்டி வருகின்றன. அந்த வகையில், இந்தியாவில் வளர்ந்து வரும் மின்சார ஸ்கூட்டர் நிறுவனங்களில் ஒன்றாக Ampere திகழ்கிறது.
Ampere Magnus Neo: Ampere நிறுவனத்தின் வெற்றிகரமான படைப்பாக Ampere Magnus Neo மின்சார ஸ்கூட்டர் விளங்குகிறது. இந்த இ-ஸ்கூட்டரின் விலை, தரம் மற்றும் மைலேஜ் குறித்த விரிவான தகவல்கள் இதோ:
125 கி.மீட்டர் மைலேஜ்: இந்த Ampere Magnus Neo இ-ஸ்கூட்டரின் விலை ரூபாய் 96 ஆயிரத்து 529 ஆகும். ஒரு முறை முழுமையாக சார்ஜ் செய்தால், இந்த ஸ்கூட்டர் 125 கிலோமீட்டர் தூரம் வரை மைலேஜ் அளிக்கும் திறன் கொண்டது. இதன் அதிகபட்ச வேகம் மணிக்கு 104 கிலோமீட்டர் ஆகும். ஒரு முறை சார்ஜ் செய்வதற்கு சுமார் 6 மணி நேரம் ஆகிறது.
வண்ணங்கள் மற்றும் அம்சங்கள்: இந்த Ampere Magnus Neo இ-ஸ்கூட்டர் பச்சை, நீலம், சாம்பல் மற்றும் மஞ்சள் ஆகிய வண்ணங்களில் விற்பனைக்கு வருகிறது. இதில் 2.3 கிலோவாட் பேட்டரி பொருத்தப்பட்டுள்ளது. வெறும் 6.5 நொடிகளில் மணிக்கு 40 கிலோமீட்டர் வேகத்தை எட்டும் ஆற்றல் கொண்டது. இந்த ஸ்கூட்டர் லோ மற்றும் ஹை மோட்களில் இயங்கக்கூடியது. மேலும், இதில் ப்ரஷ்லஸ் டிசி ஹப் மோட்டார் வசதி இடம்பெற்றுள்ளது.
பேட்டரி திறன் மற்றும் சார்ஜிங்: இதன் பேட்டரி போர்ட்டபிள் வகையைச் சார்ந்தது. இதில் ஃபாஸ்ட் சார்ஜிங் வசதி இல்லை. ஐபி 67 பேட்டரி ரேட்டிங் கொண்டது. போர்ட்டபிள் சார்ஜர் டைப் பயன்படுத்தப்பட்டுள்ளது. லித்தியம் அயர்ன் பேட்டரி இதில் பொருத்தப்பட்டுள்ளது.
பிரேக்கிங் மற்றும் சக்கரங்கள்: ஸ்டாண்டர்ட் பிரேக்கிங் சிஸ்டம் இதில் பொருத்தப்பட்டுள்ளது. முன்பக்கம் ட்ரம் பிரேக் மற்றும் பின்பக்கம் ட்ரம் பிரேக் என இரண்டுமே ட்ரம் பிரேக்குகளாக உள்ளன. ஸ்டீல் சக்கரங்கள் பயன்படுத்தப்பட்டுள்ளன. முன்பக்கம் 12 இன்ச் சக்கரமும், பின்பக்கம் 10 இன்ச் சக்கரமும் பொருத்தப்பட்டுள்ளது. ட்யூப்லெஸ் டயர்கள் பயன்படுத்தப்பட்டுள்ளன.
சஸ்பென்ஷன் மற்றும் எடை: முன்பக்கம் டெலிஸ்கோபிக் ஃபோர்க் சஸ்பென்ஷனும், பின்பக்கம் டூயல் ஷாக் அப்சார்பர் சஸ்பென்ஷனும் பொருத்தப்பட்டுள்ளது. இந்த இ-ஸ்கூட்டரின் மொத்த எடை 104 கிலோ ஆகும். 156 மி.மீட்டர் கிரவுண்ட் கிளியரன்ஸ் கொண்டது. மேலும், 150 கிலோ வரை எடை தாங்கும் திறன் கொண்டது.
கூடுதல் சிறப்பம்சங்கள்: மோட்டார் வாரண்டியாக 5 ஆண்டுகள் வரை வழங்கப்படுகிறது. சில மாடல்களுக்கு 3 வருட மோட்டார் வாரண்டியும் அளிக்கப்படுகிறது. 3.5 இன்ச் எல்சிடி டிஸ்ப்ளே இதில் உள்ளது. ஸ்பீடோமீட்டர், ஓடோமீட்டர் போன்ற தகவல்கள் இதில் டிஜிட்டல் முறையில் காண்பிக்கப்படும். டிஸ்டன்ஸ் டூ எம்டி, ட்ரிப்மீட்டர் போன்ற வசதிகளும் டிஜிட்டல் டிஸ்ப்ளேவில் உள்ளன.
பாதுகாப்பு மற்றும் வசதிகள்: ஸ்டாண்ட் அலாரம், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர், ஹை பீம் இண்டிகேட்டர் போன்ற வசதிகள் இதில் உள்ளன. நேரம் பார்க்கும் வசதி, யுஎஸ்பி சார்ஜிங் போர்ட் வசதி, சைட் ஸ்டாண்ட் இன்ஜின்/மோட்டார் கட்-ஆஃப் வசதி ஆகியவை இடம்பெற்றுள்ளன.
மற்ற சிறப்புகள்: செல்ஃப் ஸ்டார்ட் வசதி, ரிவர்ஸ் மோட் வசதி, ஸ்டார்ட்/ஸ்டாப் பட்டன் வசதி ஆகியவை உள்ளன. எல்இடி முகப்பு விளக்குகள், பிரேக்/டெயில் விளக்குகள், பாஸ் விளக்குகள், சிக்னல் விளக்குகள் என அனைத்து விளக்குகளும் எல்இடியில் பொருத்தப்பட்டுள்ளன. 22 லிட்டர் டிக்கி வசதி மற்றும் பில்லியன் சீட் வசதியும் இந்த ஸ்கூட்டரில் உள்ளது.
