நம் உடல் ஆரோக்கியமாக இருக்கவும், நோய்களை எதிர்த்துப் போராடவும் நோய் எதிர்ப்பு சக்தி மிகவும் அவசியமாகும். பல்வேறு உணவுகளில் இந்த நோய் எதிர்ப்பு சக்தி நிறைந்துள்ளது. நாம் அன்றாடம் உண்ணும் உணவுகள் மூலம் நோய் எதிர்ப்பு சக்தியை எவ்வாறு அதிகரிப்பது என்பது குறித்து விரிவாகக் காண்போம்.
பேரீச்சம்பழத்தில் உடலுக்குத் தேவையான இரும்புச்சத்து அதிகளவில் உள்ளது. மேலும், பேரீச்சம்பழத்தை தேனில் ஊறவைத்து தினமும் சாப்பிட்டு வந்தால், உடலில் நோய் எதிர்ப்பு சக்தி வேகமாக அதிகரிக்கும். நோய் எதிர்ப்பு சக்தியை அதிகரிப்பதில் எலுமிச்சையும் முக்கிய பங்கு வகிக்கிறது. எலுமிச்சையில் வைட்டமின்-சி நிறைந்துள்ளது.
பூண்டின் பங்கும் நோய் எதிர்ப்பு சக்தியை அதிகரிப்பதில் முக்கியமானது. மஞ்சள் இயற்கையாகவே கிருமிகளை அழிக்கும் திறன் கொண்டது. இது நோய் எதிர்ப்பு சக்தியை அதிகரிப்பதுடன், இரத்தத்தைச் சுத்திகரிக்கவும் உதவுகிறது. முட்டையில் அதிகளவு புரதங்கள் நிறைந்துள்ளன. இது திசுக்களைச் சீரமைக்கவும், உடலுறுப்புகள் வளரவும், எலும்புகளை பலப்படுத்தவும் உதவுகிறது.
தேங்காய் எண்ணெய் மற்றும் தேங்காயை உணவில் சேர்த்துக்கொள்வதன் மூலம் நோய் எதிர்ப்பு சக்தியை அதிகரிக்க முடியும். வெங்காயம் புற்றுநோய்க்கு எதிராகவும் செயல்படுகிறது. வெங்காயத்தை அதிகளவு உணவில் சேர்ப்பதன் மூலம் நோய் எதிர்ப்பு சக்தியை அதிகரிக்கலாம். அடிக்கடி நோய்வாய்ப்படுபவர்கள் தினமும் ஒரு பெரிய நெல்லிக்காய் சாப்பிட்டு வந்தால் நல்ல பலனை அடையலாம்.
கொய்யாப்பழத்தை 'ஏழைகளின் ஆப்பிள்' என்று கூறுவார்கள். ஆப்பிளை விட அதிகமான சத்துக்கள் கொய்யாப்பழத்தில் நிறைந்துள்ளன. இரத்தத்தில் வெள்ளை அணுக்களின் அளவை அதிகரிக்க பாதாம் முக்கிய பங்கு வகிக்கிறது. குறிப்பாக, பாதாமை நீரில் ஊறவைத்து சாப்பிடும்போது சிறந்த பலன்களைப் பெற முடியும். இது உடலின் ஒட்டுமொத்த ஆரோக்கியத்திற்கும், நோய் எதிர்ப்பு மண்டலத்தை வலுப்படுத்துவதற்கும் பெரிதும் துணைபுரியும்.
