‘டபுள் ஆக்குபன்சி’ என்ற புதிய திரைப்படத்தின் 'உயிரே' என்ற இரண்டாவது பாடல் தற்போது வெளியாகியுள்ளது. அறிமுக இயக்குநர் அஸ்வின் கந்தசாமி இயக்கியுள்ள இந்தப் படத்தை அவ்னி மூவீஸ் மற்றும் பென்ஸ் மீடியா நிறுவனங்கள் இணைந்து தயாரித்துள்ளன.
இந்தப் படத்தில் சந்தோஷ், சம்யுக்தா விஸ்வநாத், ரேஷ்மா வெங்கடேஷ், வினோத் கிஷன், விடிவி கணேஷ், பகவதி பெருமாள் உள்ளிட்ட பலர் நடித்துள்ளனர். ரொமான்டிக் பேன்டஸி திரைப்படமான இது, தமிழ் சினிமாவின் வழக்கமான எல்லைகளைத் தாண்டி ஒரு புதிய அனுபவத்தை வழங்கும் என படக்குழு தெரிவித்துள்ளது.
அறிவியல் மற்றும் நம்பிக்கைக்கு இடையேயான மோதல், ஒருவரை இரண்டு வெவ்வேறு வடிவங்களில் நேசிப்பதில் உள்ள வலிமிகுந்த அழகு ஆகியவற்றை மையமாக வைத்து இந்தக் கதை பின்னப்பட்டுள்ளதாக படக்குழுவினர் கூறியுள்ளனர். சாம் சி.எஸ் இசையமைத்துள்ள இப்படத்திற்கு சந்தகுமார் சக்ரவர்த்தி ஒளிப்பதிவு செய்துள்ளார்.
படத்தின் படப்பிடிப்பு நிறைவடைந்து, போஸ்ட் புரொடக்ஷன் பணிகள் விறுவிறுப்பாக நடைபெற்று வருகின்றன. விரைவில் திரையரங்குகளில் இப்படம் வெளியாகவுள்ளது. தற்போது வெளியாகியுள்ள 'உயிரே' பாடலை ஆதித்யா ஆர்கே பாடியுள்ளார், இதன் வரிகளை வித்யா தாமோதரன் எழுதியுள்ளார்.
