தமிழகத்தின் முதல் அமைச்சராகவும், பிரபல நடிகராகவும் இருக்கும் விஜய் நடிப்பில் திரைக்கு வரவிருக்கும் கடைசி திரைப்படம் 'ஜனநாயகன்'. இந்தத் திரைப்படம் சட்டமன்றத் தேர்தலுக்கு முன்னரே வெளியாகத் திட்டமிடப்பட்டிருந்தது. ஆனால், தணிக்கை சான்றிதழ் பெறுவதில் ஏற்பட்ட சில சிக்கல்கள் காரணமாக படத்தின் வெளியீடு தள்ளிப்போனது. தற்போது தமிழக சட்டமன்றத் தேர்தல் முடிவடைந்துள்ள நிலையில், 'ஜனநாயகன்' எப்போது வெளியாகும் என்ற ஆவல் விஜய் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
இந்நிலையில், விஜய் தற்போது முதல் அமைச்சராகப் பொறுப்பேற்றுள்ளதால், 'ஜனநாயகன்' படத்தின் டைட்டில் கார்டில் 'முதல் அமைச்சர் விஜய்' என்று குறிப்பிட வேண்டும் என ரசிகர்கள் கோரிக்கை விடுத்து வருகின்றனர். இது குறித்து 'கேவிஎன் புராடெக்ஷன்' நிறுவனத்தின் உரிமையாளர் வெங்கட் நாராயணா பேசுகையில், சட்ட விதிமுறைகள் இதற்கு அனுமதி அளித்தால் டைட்டில் கார்டு நிச்சயம் மாற்றப்படும் என்று தெரிவித்துள்ளார்.
