வீட்டு டாய்லெட்டுகளில் நாளடைவில் ஏற்படும் உப்புக்கறை மற்றும் கழிவுப் படிவுகள் காரணமாக பழுப்பு நிறத்தில் கறைகள் படிந்துவிடுகின்றன. இந்தக் கறைகளை நீக்கி, டாய்லெட்டை மீண்டும் பழையபடி பளபளவென வெள்ளை நிறமாக்கப் பலரும் டாய்லெட் பிரஷ்களைக் கொண்டு மணிக்கணக்கில் தேய்த்துப் போராடுவார்கள். இனிமேல் அப்படி கஷ்டப்பட்டுத் தேய்க்கத் தேவையில்லை. டாய்லெட் கறைகளை மிக எளிதாக சுத்தம் செய்ய வீட்டில் இருக்கும் ஒரு பொருள் போதும்.
இந்த ஒரு பொருள் மூலம் 30 நிமிடத்தில் விடாப் பிடியான கறைகளை நீக்கிவிடலாம். இனி டாய்லெட் கறைகளைப் போக்க கை வலிக்கத் தேய்க்க வேண்டிய அவசியம் இல்லை. வீட்டு உபயோகப் பொருட்களில் ஒன்றான சிட்ரிக் அமிலம், டாய்லெட் கறைகளை நீக்குவதில் சிறந்து விளங்குகிறது.
டாய்லெட்டின் பீங்கான் பரப்பில் ஒட்டியிருக்கும் அசுத்தங்களை வேதியியல் ரீதியாகக் கரைக்கும் சக்தி சிட்ரிக் அமிலத்திற்கு உண்டு. இது கறைகளின் மீது நேரடியாகச் செயல்பட்டு, அவற்றை லேசாக்குவதால், பின்னாளில் கறைகளை மிக எளிதாகப் போக்கிவிடலாம். சாதாரண கிளீனிங் முறைகளில் போகாத, பல நாட்களாக உறைந்துபோயிருக்கும் பழைய பழுப்பு நிறக் கறைகளை நீக்க இந்த முறையைப் தாராளமாகப் பயன்படுத்தலாம்.
இந்த எளிய முறைக்குத் தேவையான பொருட்கள்: 1/4 கப் சிட்ரிக் அமிலப் பொடி மற்றும் சுடுதண்ணீர்.
பயன்படுத்தும் முறை: சிட்ரிக் அமிலப் பொடியுடன் தேவையான அளவு சுடுதண்ணீரைச் சேர்த்துப் பசை போல நன்றாகக் கலந்து கொள்ள வேண்டும். இந்த அமிலப் பசையை டாய்லெட்டில் கறை படிந்திருக்கும் பழுப்பு நிறப் பகுதிகளின் மீது நேரடியாகத் தடவ வேண்டும்.
தடவிய பின் அதை அப்படியே சுமார் 30 நிமிடங்களுக்கு ஊற விட வேண்டும். 30 நிமிடம் கழித்து, அந்தப் பசையை அகற்றிவிட்டுத் பிளஷ் செய்ய வேண்டும். இந்த அமிலம் கறைகளின் மீது வேலை செய்வதால், கறைகள் தானாகவே இளகிவிடும். இதனால் நீங்கள் கை வலிக்கத் தேய்க்க வேண்டிய அவசியமே இருக்காது.
இந்த எளிய வழிமுறையைப் பின்பற்றி உங்கள் டாய்லெட்டை எளிதாகச் சுத்தம் செய்து பளபளப்பாக வைத்திருக்கலாம். இனி கடினமான கறைகளைக் கண்டு அஞ்சத் தேவையில்லை. சிட்ரிக் அமிலத்தைப் பயன்படுத்தி நிமிடங்களில் கறைகளை மாயமாக்கலாம்.
Stay updated with the latest news headlines and all the latest Lifestyle news. Download Indian Express Tamil App – Android or iOS.Follow us:
