இந்தியாவின் முன்னணி இரு சக்கர வாகன தயாரிப்பு நிறுவனமான டிவிஎஸ், தனது மின்சார வாகனப் பிரிவில் ஒரு முக்கிய மைல்கல்லை எட்டியுள்ளது. மின்சார வாகனங்களின் பயன்பாடு அதிகரித்து வரும் நிலையில், டிவிஎஸ் நிறுவனம் தனது iQube இ-ஸ்கூட்டரின் டாப் வேரியண்டான iQube ST 5 kWh மாடலை அறிமுகப்படுத்தியுள்ளது. இந்த புதிய மாடல், ஒரு முறை சார்ஜ் செய்தால் 212 கிலோமீட்டர் வரை பயணிக்கக்கூடிய மைலேஜை வழங்குவதாகக் கூறப்படுகிறது.
TVS iQube ST 5 kWh மாடலின் விலை 1 லட்சத்து 83 ஆயிரத்து 841 ரூபாய் என நிர்ணயிக்கப்பட்டுள்ளது. இதில் 5.3 கிலோவாட் பேட்டரி பொருத்தப்பட்டுள்ளது. இந்த ஸ்கூட்டர் அதிகபட்சமாக மணிக்கு 82 கிலோமீட்டர் வேகத்தில் செல்லக்கூடியது. முழுமையாக சார்ஜ் செய்வதற்கு சுமார் 4.18 மணி நேரம் ஆகிறது. இந்த இ-ஸ்கூட்டர் சந்தன-அரக்கு, நீலம்-சந்தன மற்றும் சாம்பல் ஆகிய வண்ணங்களில் விற்பனைக்கு வருகிறது.
இந்த மாடலில் ஃபாஸ்ட் சார்ஜிங் வசதியும் உள்ளது. இதன் எடை 115 கிலோ ஆகும். இருக்கை உயரம் 770 மி.மீட்டர். மேலும், யுஎஸ்பி சார்ஜிங் போர்ட் வசதியும் இதில் இடம்பெற்றுள்ளது. அதிகபட்சமாக 33 என்எம் டார்க் இழுதிறன் கொண்டது. வெறும் 4.2 வினாடிகளில் 40 கிலோமீட்டர் வேகத்தை எட்டிவிடும் ஆற்றல் இதற்கு உண்டு. இது எகோ மற்றும் பவர் என இரண்டு விதமான மோட்களில் இயங்கக்கூடியது. மேலும், பிஎல்டிசி ஹப் மவுண்டட் மோட்டார் வசதியும் இதில் உள்ளது.
பாதுகாப்பு அம்சங்களைப் பொறுத்தவரை, iQube ST மாடலில் ஐபி 67 மோட்டார் ஐபி ரேட்டிங் வசதி உள்ளது. இதில் ஒரே ஒரு நிரந்தர லித்தியம் அயன் பேட்டரி பொருத்தப்பட்டுள்ளது. போர்ட்டபிள் சார்ஜர் வசதியும் உண்டு. எஸ்.பி.டி பிரேக்கிங் சிஸ்டம் பொருத்தப்பட்டுள்ளது. முன்பக்கத்தில் டிஸ்க் பிரேக் மற்றும் பின்பக்கத்தில் ட்ரம் பிரேக் ஆகியவை கொடுக்கப்பட்டுள்ளன. அலாய் சக்கரங்கள் மற்றும் ட்யூப்லெஸ் டயர்கள் பயன்படுத்தப்பட்டுள்ளன. முன்பக்கம் மற்றும் பின்பக்கம் என இரண்டு சக்கரங்களிலும் 12 இன்ச் டயர்கள் பொருத்தப்பட்டுள்ளன.
சஸ்பென்ஷன் அமைப்பைப் பார்த்தால், முன்பக்கத்தில் டெலிஸ்கோபிக் ஃபோர்க்ஸ் மற்றும் பின்பக்கத்தில் ஹைட்ராலிக் ட்விட் ட்யூப் ஷாக் அப்சார்பர் ஆகியவை பயன்படுத்தப்பட்டுள்ளன. இதன் கிரவுண்ட் கிளியரன்ஸ் 157 மி.மீட்டர் ஆகும். 130 கிலோ வரை எடை தாங்கும் திறன் கொண்டது. பேட்டரிக்கு 3 வருடங்கள் அல்லது 50 ஆயிரம் கிலோமீட்டர் வரை வாரண்டியும், மோட்டாருக்கு 3 வருடங்கள் வாரண்டியும் வழங்கப்படுகிறது.
மேலும், இந்த ஸ்கூட்டரில் 5 இன்ச் டிஎஃப்டி டிஸ்ப்ளே, ப்ளூடூத் இணைப்பு, ஜிபிஎஸ் நேவிகேஷன் வசதி ஆகியவை உள்ளன. டிஜிட்டல் ஸ்பீடோமீட்டர், ஓடோமீட்டர், மற்றும் 2 ட்ரிப்மீட்டர்கள் உள்ளன. ஸ்டாண்ட் அலாரம், குறைந்த பேட்டரி இண்டிகேட்டர், ஹசார்ட் வார்னிங் இண்டிகேட்டர், ஹைபீம் இண்டிகேட்டர் போன்ற வசதிகளும் இதில் அடங்கும்.
கூடுதலாக, கால்/எஸ்எம்எஸ் அலர்ட் வசதி, யுஎஸ்பி சார்ஜிங் போர்ட், செல்ஃப் ஸ்டார்ட், சைட் ஸ்டாண்ட் என்ஜின்/மோட்டார் கட் ஆஃப் வசதி, ரிவர்ஸ் மோட் பார்க்கிங் வசதி, மற்றும் ஸ்டார்ட்/ஸ்டாப் பட்டன் போன்ற நவீன வசதிகளும் இதில் கொடுக்கப்பட்டுள்ளன. பேட்டரி நிலை மற்றும் லைவ் சார்ஜிங் ஸ்டேட்டஸ் போன்ற தகவல்களையும் இதன் மூலம் அறியலாம். எல்இடி முகப்பு விளக்குகள், பகலில் எரியும் விளக்குகள், பிரேக்/டெயில் விளக்குகள் மற்றும் ஹசார்ட் வார்னிங் விளக்குகள் பொருத்தப்பட்டுள்ளன. டிக்கி வசதி 30 லிட்டர் கொள்ளளவு கொண்டது.
