Vespa S 150: அசத்தும் மைலேஜ், வசீகரமான தோற்றம்!

இந்தியாவில் இரு சக்கர வாகன சந்தையில் வெஸ்பா நிறுவனம் தனக்கென ஒரு தனி அடையாளத்தை வைத்துள்ளது. குறிப்பாக, பெண்களைக் கவரும் வகையில் வடிவமைக்கப்படும் இவர்களின் ஸ்கூட்டர்களுக்கு நல்ல வரவேற்பு உள்ளது. அந்த வகையில், Vespa S 150 ஸ்கூட்டரின் சிறப்பம்சங்கள், மைலேஜ் மற்றும் விலை குறித்த தகவல்களை விரிவாகக் காண்போம்.

Vespa S 150 ஸ்கூட்டர் மொத்தம் இரண்டு வேரியண்டுகளில் கிடைக்கிறது. அதன் விலை விவரம்: 1. S 150 Standard – ரூபாய் 1 லட்சத்து 79 ஆயிரத்து 604. 2. S 150 Tech 150 – ரூபாய் 2 லட்சத்து 39 ஆயிரத்து 621. இதில், இரண்டாவது வேரியண்டில் ப்ளூடூத், ஜிபிஎஸ், ஸ்டாண்ட் அலார்ம் போன்ற கூடுதல் வசதிகள் உள்ளன. இந்த ஸ்கூட்டரில் 149.5 சிசி திறன் கொண்ட எஞ்சின் பொருத்தப்பட்டுள்ளது. இதன் எடை 115 கிலோ மற்றும் இருக்கை உயரம் 770 மி.மீட்டர் ஆகும். யுஎஸ்பி சார்ஜிங் போர்ட் வசதியும் இதில் உண்டு.

இந்த ஸ்கூட்டர் மஞ்சள், கருப்பு, பச்சை, சாம்பல் என மொத்தம் 10 வண்ணங்களில் கிடைக்கிறது. இதன் பெட்ரோல் டேங்க் கொள்ளளவு 7.4 லிட்டர். ஒரு முறை பெட்ரோல் நிரப்பினால், 260 கி.மீட்டர் முதல் 295 கி.மீட்டர் வரை மைலேஜ் கிடைக்கும் என தெரிவிக்கப்பட்டுள்ளது. இது லிட்டருக்கு 35 முதல் 40 கி.மீட்டர் வரை மைலேஜ் அளிக்கும். இதன் அதிகபட்ச வேகம் மணிக்கு 93 கி.மீட்டர் ஆகும். 1 சிலிண்டர், ஏர் கூல்ட் மற்றும் 3 வால்வுகள் கொண்ட எஞ்சின், பிஎஸ்6 பாஸ் 2 பி எமிஷன் ஸ்டாண்டர்ட், சிங்கிள் சேனல் ஏபிஎஸ் பிரேக்கிங் சிஸ்டம், முன்பக்கம் டிஸ்க் பிரேக், பின்பக்கம் ட்ரம் பிரேக் மற்றும் அலாய் சக்கரங்கள் என பல அம்சங்கள் இதில் உள்ளன.

முன்பக்கம் 11 இன்ச் சக்கரங்களும், பின்பக்கம் 10 இன்ச் சக்கரங்களும் ட்யூப்லெஸ் டயர்களுடன் பொருத்தப்பட்டுள்ளன. முன்பக்கம் ஹைட்ராலிக் சிங்கிள் சைட் ஆர்ம் சஸ்பென்சன் மற்றும் பின்பக்கம் ஹைட்ராலிக் ஷாக் அப்சார்பர் உள்ளது. மேலும், 60 ஆயிரம் கி.மீட்டர் அல்லது 5 வருட வாரண்டியும் வழங்கப்படுகிறது. ஸ்பீடோமீட்டர் அனலாக் முறையிலும், ஓடோமீட்டர், ப்யூல் கேஜ், 2 ட்ரிப்மீட்டர்கள், லோ ஃபியூல் இண்டிகேட்டர், நேரம் பார்க்கும் வசதி ஆகியவை டிஜிட்டல் முறையிலும் உள்ளன. எல்இடி முகப்பு விளக்குகள் மற்றும் ஹாலோஜன் விளக்குகள் பொருத்தப்பட்டுள்ளன.

இதன் வசீகரமான தோற்றம் பெண்களை வெகுவாகக் கவர்ந்தாலும், இதன் வேகம் மற்றும் மைலேஜ் இளைஞர்களையும் கவரும் வகையில் அமைந்துள்ளது. இதன் உயர்தரமான அம்சங்கள் காரணமாகவே இதன் விலை சற்று அதிகமாக நிர்ணயிக்கப்பட்டுள்ளது.

Author

Fernandez

Senior Reporter

Fernandaz – MDTV 24x7 News நிறுவனத்தின் Senior Reporter மற்றும் General News Writer ஆக பணியாற்றி வருகிறார். அரசியல், சமூக நிகழ்வுகள், மக்கள் பிரச்சினைகள் மற்றும் முக்கிய நடப்பு செய்திகளை துல்லியமாகவும் விரைவாகவும் மக்களிடம் கொண்டு சேர்ப்பதில் அனுபவம் பெற்றவர். நம்பகமான தகவல்களை தரமான செய்திகளாக வழங்கும் நோக்கத்துடன் செய்தித்துறையில் தொடர்ந்து செயல்பட்டு வருகிறார்.