இந்தியாவில் மின்சார வாகனங்களுக்கு சிறப்பான வரவேற்பு கிடைத்து வரும் நிலையில், மின்சார ஸ்கூட்டர்களின் பயன்பாடு தினசரி அதிகரித்து வருகிறது. ஓலா, ஏதர் போன்ற நிறுவனங்களுக்கு போட்டியாக பல நிறுவனங்களும் களமிறங்கியுள்ளன. அந்த வகையில், VIDA நிறுவனத்தின் VIDA V2 இ-ஸ்கூட்டர் அதன் விலை, தரம் மற்றும் மைலேஜ் ஆகியவற்றால் கவனத்தை ஈர்த்துள்ளது.
VIDA V2 இ-ஸ்கூட்டர் மொத்தம் இரண்டு வேரியண்டுகளில் கிடைக்கிறது. V2 Plus மாடலின் விலை ரூ. 1,32,840 ஆகவும், V2 Pro மாடலின் விலை ரூ. 1,47,881 ஆகவும் நிர்ணயிக்கப்பட்டுள்ளது.
மைலேஜ் பொறுத்தவரை, V2 Plus வேரியண்ட் ஒருமுறை சார்ஜ் செய்தால் 143 கிலோமீட்டர் வரை மைலேஜ் வழங்குகிறது. இதில் 3.44 கிலோவாட் பேட்டரி பொருத்தப்பட்டுள்ளது. இதன் எடை 124 கிலோ. முழுமையாக சார்ஜ் செய்ய 5.15 மணி நேரம் ஆகும். இந்த மாடல் எகோ, ரைட் மற்றும் ஸ்போர்ட் மோட்களில் இயங்குகிறது, மேலும் அதிகபட்சமாக மணிக்கு 85 கிலோமீட்டர் வேகத்தில் செல்லக்கூடியது.
V2 Pro வேரியண்ட் ஒருமுறை சார்ஜ் செய்தால் 165 கிலோமீட்டர் வரை பயணிக்க முடியும். இதன் அதிகபட்ச வேகம் மணிக்கு 90 கிலோமீட்டர் ஆகும். இதில் 3.94 கிலோவாட் பேட்டரி பொருத்தப்பட்டுள்ளது. முழுமையாக சார்ஜ் செய்ய 5.55 மணி நேரம் ஆகிறது. இதன் எடை 125 கிலோ. இந்த மாடல் எகோ, ரைட், ஸ்போர்ட் மற்றும் கஸ்டம் மோட்களில் இயங்குகிறது.
இந்த ஸ்கூட்டரின் சிறப்பம்சங்களாக, அதிகபட்சமாக 25 என்எம் டார்க் இழுதிறன், 40 கி.மீ வேகத்தை வெறும் 0.40 நொடிகளில் எட்டும் திறன், ஐபி 68 மோட்டார் ஐபி ரேட்டிங், 2 போர்ட்டபிள் பேட்டரிகள், ஃபாஸ்ட் சார்ஜிங் வசதி, லித்தியம் அயன் பேட்டரி மற்றும் போர்ட்டபிள் சார்ஜர் ஆகியவை உள்ளன. முன்பக்கம் டிஸ்க் பிரேக், பின்பக்கம் ட்ரம் பிரேக், அலாய் சக்கரங்கள், ட்யூப்லெஸ் டயர்கள், முன்பக்கம் 12 இன்ச் மற்றும் பின்பக்கம் 12 இன்ச் சக்கரங்கள், டெலிஸ்கோபிக் ஃபோர்க் சஸ்பென்ஷன் மற்றும் பின்பக்கம் மோனோஷாக் அப்சார்பர் சஸ்பென்ஷன் ஆகியவை பொருத்தப்பட்டுள்ளன.
வசதிகளைப் பொறுத்தவரை, 777 மி.மீ இருக்கை உயரம், 155 மி.மீ கிரவுண்ட் கிளியரன்ஸ், 3 வருட அல்லது 30,000 கி.மீ வரை பேட்டரி வாரண்டி, 5 வருட மோட்டார் வாரண்டி, 7 இன்ச் TFT தொடு திரை டிஸ்ப்ளே, ப்ளூடூத் வசதி, நேவிகேஷன், டிஜிட்டல் ஸ்பீடோமீட்டர், ஓடோமீட்டர், 2 ட்ரிப்மீட்டர்கள், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர், ஹை பீம் இண்டிகேட்டர், கால்/எஸ்எம்எஸ் அலர்ட், நேரம் பார்க்கும் வசதி, செல்ஃப் ஸ்டார்ட், ரிவர்ஸ் மோட் மற்றும் ஸ்டார்ட்/ஸ்டாப் பட்டன் ஆகியவை உள்ளன. மேலும், டூயல் LED ப்ரொஜெக்டர் முகப்பு விளக்குகள், பகல்நேர விளக்குகள், பிரேக்/டெயில் விளக்குகள் மற்றும் 26 லிட்டர் டிக்கி வசதியும் இதில் இடம்பெற்றுள்ளன.
