பிரபல இயக்குநர் ஷங்கரின் மகன் அர்ஜித் ஷங்கர், 'லவ்வர்ஸ் பாய்' என்ற படத்தின் மூலம் கதாநாயகனாக அறிமுகமாகிறார். இப்படத்தின் பூஜையும், படப்பிடிப்பும் எளிமையாக நேற்று நடைபெற்றது.
'லவ் டுடே' படத்தின் மூலம் ஹீரோவாக அறிமுகமான பிரதீப் ரங்கநாதன், மற்றும் 'வித் லவ்' படத்தின் மூலம் அறிமுகமான அபிஷன் ஜீவிந்த் வரிசையில், தற்போது இயக்குநர் ஷங்கரின் மகனும் கதாநாயகனாக களமிறங்குகிறார். 'லவ்வர்ஸ் பாய்' படத்தில் அர்ஜித் ஷங்கருக்கு ஜோடியாக கீர்த்திஷெட்டி நடிக்கிறார். இந்தப் படத்தை, இயக்குநர் அட்லியிடம் உதவி இயக்குநராகப் பணியாற்றிய அசோக் இயக்குகிறார். இவர் இதற்கு முன் சிவகார்த்திகேயன் நடிப்பில் உருவாகவிருந்த 'சிங்கப்பாதை' படத்தை இயக்க ஒப்பந்தமாகியிருந்தார் என்பது குறிப்பிடத்தக்கது.
இந்த பட பூஜையில் யாரும் எதிர்பாராத விதமாக நடிகர் விஜய்யின் மகன் ஜேசன் சஞ்சய் கலந்துகொண்டு படக்குழுவினருக்கு வாழ்த்து தெரிவித்தார். இது திரையுலகினர் மத்தியில் பெரும் ஆச்சரியத்தை ஏற்படுத்தியுள்ளது.
இயக்குநர்களும், அவர்களின் குடும்பத்தினரும் தொடர்ந்து கதாநாயகர்களாக அறிமுகமாகி வெற்றி பெற்று வரும் நிலையில், ஷங்கரின் மகன் அர்ஜித் ஷங்கரின் 'லவ்வர்ஸ் பாய்' படமும் வெற்றிப் பாதையில் பயணிக்க இயக்குநர் குடும்பத்தினரும், திரையுலகினரும் வாழ்த்தியுள்ளனர். இந்த புதிய அலை கோலிவுட்டில் என்ன தாக்கத்தை ஏற்படுத்தும் என்பதை பொறுத்திருந்து பார்க்கலாம்.
