சிம்ம ராசிக்காரர்களுக்கு இந்த வாரம் தடைகள் அனைத்தும் விலகி, மன நிம்மதியும் தன்னம்பிக்கையும் அதிகரிக்கும். ராசி அதிபதி சூரியன், லாப ஸ்தான அதிபதி புதனுடன் இணைந்து லாப ஸ்தானத்தில் சஞ்சரிப்பதால், தைரியம் கூடும், ஞாபக சக்தி மேம்படும்.
உடன் பிறந்தவர்கள் மற்றும் நண்பர்களின் ஆதரவு உங்களுக்கு பக்கபலமாக இருக்கும். குடும்ப வாழ்க்கை மகிழ்ச்சிகரமாக அமையும். பேச்சை மூலதனமாகக் கொண்டு வாழ்பவர்களின் வாழ்வாதாரம் உயரும். தொழில் கடன்கள் குறையத் தொடங்கும்.
நீண்ட நாட்களாக நிறைவேற்ற முடியாமல் தள்ளிப்போன குலதெய்வப் பிரார்த்தனைகளை நிறைவேற்றும் வாய்ப்பு ஏற்படும். உயர்கல்வி மற்றும் ஆராய்ச்சி கல்வி படிக்க நல்ல வாய்ப்புகள் உண்டாகும். புத்திர பாக்கியம் ஏற்படவும் வாய்ப்புள்ளது. சிலர் விருப்ப ஓய்வு பெறவும் கூடும்.
குடும்ப சூழல் அல்லது ஆரோக்கியம் காரணமாக கல்வியில் ஏற்பட்ட தடைகள் நீங்கும். உடல் நிலையில் இருந்த பாதிப்புகள் அகலும். எனினும், முன்னோர்களின் பரம்பரை நோய்களான கை, கால் வலி, சர்க்கரை, பிரஷர் போன்றவை தலைதூக்க வாய்ப்புள்ளது. வெளியூர், வெளிநாட்டு வேலைவாய்ப்புகள் தேடி வரும். பெண்களின் எதிர்பார்ப்புகள் நிறைவேறும். ஞாயிற்றுக்கிழமை கோதுமை தானம் வழங்குவது நல்லது. ‘பிரசன்ன ஜோதிடர்’ ஐ. ஆனந்தி செல்: 98652 20406.
