விருச்சிக ராசிக்காரர்களுக்கு இந்த வாரம் விபரீத ராஜயோக வாரமாக அமையும். ராசி அதிபதி செவ்வாய் ஆட்சி பெற்றிருப்பதும், 2 மற்றும் 5 ஆம் அதிபதி குரு உச்சம் பெற்றிருப்பதும் கிரக நிலவரத்தை மிகச் சாதகமாக்குகிறது. ஆன்மீகத்தில் நாட்டம் அதிகரிக்கும், சிந்தனைகள் உயர்வானதாக மாறும். புதிய முக்கிய முடிவுகளை எடுப்பீர்கள். வரவேண்டிய பணம் கைக்கு வந்து சேரும். அவ்வப்போது பணப் பற்றாக்குறை ஏற்பட்டாலும், அதைச் சமாளிக்கும் திறனும் உண்டாகும்.
திருமணம் மற்றும் குழந்தைப் பேறு போன்ற சுப நிகழ்வுகள் கைகூடும். வெளிநாட்டுத் தொழில் அல்லது உத்தியோக வாய்ப்புகள் அமையும். புதிய தொழில் தொடங்கும் முயற்சிகள் வெற்றி பெறும். கடின உழைப்பின் மூலம் நீங்கள் சாதிப்பீர்கள். மனப் போராட்டங்கள் தீர்ந்து, மன அமைதி பிறக்கும். எதிர்பாராத இடங்களில் இருந்து உதவிகள் வந்து சேரும்.
குடும்பத்தினரின் ஒத்துழைப்பு அதிகரிக்கும். புதிய நண்பர்களின் அறிமுகமும் உண்டாகும். பூர்வீக வீட்டை சீரமைத்து விரிவுபடுத்தும் பணிகளை மேற்கொள்வீர்கள். பூர்வீக சொத்து தொடர்பான பேச்சுவார்த்தைகளும் நடக்கும். தாயாரின் உடல் ஆரோக்கியத்தில் இருந்த பிரச்சனைகள் நீங்கி முன்னேற்றம் காணப்படும்.
தம்பதியரிடையே ஒற்றுமை நிலவும். பெண்களுக்கு தந்தை வழியில் எதிர்பார்த்த உதவிகள் கிடைக்கும். திருமணம் மற்றும் சந்ததி விருத்தி ஏற்படும். இந்த வாரத்தில், பிரதோஷத்தன்று சிவனுக்கு பன்னீர் அபிஷேகம் செய்து வழிபடுவது சிறப்பு.
