இயக்குநர் லிங்குசாமி இயக்குநராக அறிமுகமான 'ஆனந்தம்' திரைப்படம் வெளியாகி இன்றுடன் 25 ஆண்டுகளை நிறைவு செய்துள்ளது. 2001ஆம் ஆண்டு மே மாதம் 25ஆம் தேதி வெளியான இந்தப் படம், ஒரு அழகான குடும்பக் கதையாக ரசிகர்களின் மனதைக் கவர்ந்தது.
சூப்பர் குட் ஃபிலிம்ஸ் ஆர்.பி.சௌத்ரி தயாரிப்பில், மம்முட்டி, முரளி, அப்பாஸ், ரம்பா, தேவயானி, சினேகா போன்ற நட்சத்திரங்கள் நடித்திருந்தனர். அண்ணன் தம்பிகளுக்கு இடையேயான பாசம், மருமகள்களால் ஏற்படும் பிரச்சனைகள் போன்றவற்றை மையமாகக் கொண்ட இக்கதை, எஸ்.ஏ.ராஜ்குமார் இசையில் வெளியான 'ஆசை ஆசையாய் இருக்கிறதே', 'பல்லாங்குழியின் வட்டம் பார்த்தேன்', 'என்ன இதுவோ' போன்ற பாடல்கள் பெரும் வரவேற்பைப் பெற்றன.
'ஆனந்தம்' படம் குறித்து இயக்குநர் லிங்குசாமி நெகிழ்ச்சியுடன் பகிர்ந்துள்ளார். 'தமிழ் சினிமாவுக்கு 43 கலைஞர்களை அறிமுகப்படுத்திய மகா கலைஞன் ஆர்.பி.சௌத்ரிதான் என்னையும் அறிமுகம் செய்து வைத்தார். எனது புகழ், சந்தோஷம், வாழ்க்கை அனைத்தையும் அவருக்கு அர்ப்பணிக்கிறேன். அவரிடம் கதை சொல்லச் சென்ற சந்திப்பு முதல், அவருடனான அனைத்து நினைவுகளையும் பொக்கிஷமாக வைத்திருக்கிறேன்' என்று கூறியுள்ளார்.
மேலும், 'ஆனந்தம்' கதையைச் சொல்லி முடித்ததும், 'இந்தக் கதையை எத்தனை நாட்களில் எடுப்பீர்கள்?' என்று சௌத்ரி கேட்டதாகவும், 60 நாட்களில் முடிப்பேன் என்று கூறியபோது, அவர் கோபமடைந்ததாகவும் லிங்குசாமி நினைவு கூர்ந்தார். 'படம் நன்றாக வந்திருக்கிறது. நீங்கள் என்னை வைத்து எடுக்க விரும்பவில்லை என்றால், இந்தக் கதையை நான் தொட மாட்டேன்' என்று அவர் சமாதானப்படுத்தியதாகவும், 'இன்னும் எத்தனை நாட்கள் ஆகும்?' என்று அவர் கேட்ட அந்த ஒரு நாள் தன் வாழ்க்கையில் மிக முக்கியமான நாள் என்றும் லிங்குசாமி குறிப்பிட்டார். உண்மையும் நேர்மையும் இருந்தால் யாரிடமும் நேரடியாகப் பேசி பிரச்சனைகளைத் தீர்க்கலாம் என்றும் அவர் தெரிவித்தார். 43 அறிமுக இயக்குனர்களில் ஒருவராக தன்னைத் தேர்ந்தெடுத்த ஆர்.பி.சௌத்ரிக்கு லிங்குசாமி தனது ட்விட்டர் பக்கத்தில் நன்றி தெரிவித்துள்ளார்.
