வடக்கு அந்தமான் மற்றும் அதனை ஒட்டிய கடல் பகுதியில் உருவான காற்றழுத்த தாழ்வுப்பகுதி, தற்போது மத்திய வங்கக்கடல் பகுதியில் காற்றழுத்த தாழ்வு மண்டலமாக வலுப்பெற்றுள்ளது. இது அடுத்த 48 மணி நேரத்தில் ஆழ்ந்த காற்றழுத்த தாழ்வு மண்டலமாக மாறி, வடக்கு ஆந்திரம் – தெற்கு ஒடிசா கடற்கரையை நோக்கி நகரக்கூடும் என இந்திய வானிலை ஆய்வு மையம் எச்சரிக்கை விடுத்துள்ளது.
இந்த தீவிர புயல் எச்சரிக்கையைத் தொடர்ந்து, முன்னெச்சரிக்கை நடவடிக்கையாக, கடலூர் உள்பட தமிழ்நாட்டின் 8 முக்கிய துறைமுகங்களில் புயல் எச்சரிக்கை கூண்டு ஏற்றப்பட்டுள்ளது. இதனால், கரையோரப் பகுதிகளில் வசிக்கும் மக்கள் மிகுந்த எச்சரிக்கையுடன் இருக்குமாறு அறிவுறுத்தப்பட்டுள்ளனர்.
இந்திய வானிலை ஆய்வு மையம் நேற்று முன்தினம் வெளியிட்ட செய்திக்குறிப்பில், வடக்கு அந்தமான் கடல் பகுதியில் உருவான காற்றழுத்த தாழ்வுப்பகுதி, மத்திய வங்கக்கடல் பகுதியில் காற்றழுத்த தாழ்வு மண்டலமாக மாற வாய்ப்புள்ளதாகத் தெரிவித்தது. அடுத்த 48 மணி நேரத்தில் இது மேலும் வலுப்பெற்று, ஆழ்ந்த காற்றழுத்த தாழ்வு மண்டலமாக மாறி, வடக்கு ஆந்திரம் மற்றும் தெற்கு ஒடிசா கடற்கரையை நோக்கி நகரக்கூடும் என கணிக்கப்பட்டது.
இந்நிலையில், மத்திய கிழக்கு வங்கக்கடல் பகுதியில் நிலவிய ஆழ்ந்த காற்றழுத்த தாழ்வுப்பகுதி, நேற்று இரவு மேலும் வலுப்பெற்று தாழ்வு மண்டலமாக மாறியுள்ளது. அடுத்த 24 மணி நேரத்திற்குள் இது புயலுக்கு முந்தைய நிலைக்கு வலுப்பெறும் என எதிர்பார்க்கப்படுகிறது.
மேலும், இந்த புயல் வரும் 24-ந்தேதி (நாளை மறுநாள்) அதிகாலை, வடக்கு ஆந்திர பிரதேசம் மற்றும் தெற்கு ஒடிசா கடற்கரைக்கு இடையே, விசாகப்பட்டினம் – கோபால்பூர் இடையேயான பகுதியில் கரையை கடக்கும் என்றும் வானிலை மையம் தெரிவித்துள்ளது.
தற்போதைய நிலவரப்படி, மத்திய மேற்கு வங்கக்கடலில் நிலவிய காற்றழுத்த தாழ்வு மண்டலம், தற்போது ஆழ்ந்த காற்றழுத்த தாழ்வு மண்டலமாக வலுவடைந்துள்ளது. இந்த புயல் எச்சரிக்கையைத் தொடர்ந்து, கடலூர் துறைமுகம் உட்பட மொத்தம் 8 துறைமுகங்களில் புயல் எச்சரிக்கை கூண்டு ஏற்றும் பணி நடைபெற்றுள்ளது.
இதனால், மீனவர்கள் மற்றும் கரையோரப் பகுதிகளில் வசிக்கும் மக்கள் அனைவரும் முன்னெச்சரிக்கையுடன் செயல்பட வேண்டும் என்றும், அதிகாரிகளின் அறிவுறுத்தல்களைப் பின்பற்ற வேண்டும் என்றும் கேட்டுக் கொள்ளப்பட்டுள்ளனர். கடல் சீற்றம் அதிகமாக இருக்கக்கூடும் என்பதால், யாரும் கடலுக்குள் செல்ல வேண்டாம் என எச்சரிக்கை விடுக்கப்பட்டுள்ளது.
