சென்னையில் உள்ள முன்னணி தகவல் தொழில்நுட்ப நிறுவனமான 'லின்ஸ் டெக்னாலஜிஸ்', கல்லூரி இறுதியாண்டு மாணவர்கள் மற்றும் புதிய பட்டதாரிகளுக்கு ஒரு பொன்னான 'ஸோஹோ இன்டர்ன்ஷிப்' வாய்ப்பை அறிவித்துள்ளது. இந்த அரிய வாய்ப்பில், முன் அனுபவம் இல்லாதவர்களும் விண்ணப்பிக்கலாம் எனத் தெரிவிக்கப்பட்டுள்ளது.
13 ஆண்டுகால அனுபவத்துடன் ஸோஹோ பிரிமியம் பார்ட்னராக விளங்கும் 'லின்ஸ் டெக்னாலஜிஸ்', 'ஸோஹோலிக்ஸ் சென்னை 2026' நிகழ்வில் சிறந்த சி.ஆர்.எம் பார்ட்னர் விருதையும் வென்றுள்ளது. இந்த இன்டர்ன்ஷிப், வகுப்பறைப் பயிற்சியாக இல்லாமல், அனுபவம் வாய்ந்த ஆலோசகர்களுடன் இணைந்து நிஜ வாடிக்கையாளர் திட்டங்களில் பணியாற்றி, தொழில்நுட்பத் திறன்களை வளர்த்துக்கொள்ள ஒரு சிறந்த களமாக அமையும்.
இந்த இன்டர்ன்ஷிப் பயிற்சியின் மூலம், மாணவர்கள் ஸோஹோ சி.ஆர்.எம், ஸோஹோ புக்ஸ் மற்றும் ஸோஹோ கிரியேட்டர் போன்ற முக்கிய மென்பொருட்களில் நேரடிப் பயிற்சி பெறுவார்கள். வாடிக்கையாளர் ஆலோசனைக் கூட்டங்களில் பங்கேற்பது, வணிகச் செயல்பாடுகளை ஆவணப்படுத்துவது, சி.ஆர்.எம் மாட்யூல்கள் மற்றும் அறிக்கைகளை வடிவமைப்பது, மென்பொருள் சோதனை செய்வது, வாடிக்கையாளர்களுக்கான பயிற்சிப் பொருட்களைத் தயாரிப்பது போன்ற பல்வேறு பணிகளில் ஈடுபடுத்தப்படுவார்கள்.
மேலும், டெவலப்மென்ட் பிரிவில் இணையும் மாணவர்களுக்கு 'டெலூஜ்' ஸ்கிரிப்டிங் மற்றும் அன்றாடப் பணிகளில் செயற்கை நுண்ணறிவு (ஏ.ஐ) கருவிகளைப் பயன்படுத்தும் முறைகளும் கற்றுக்கொடுக்கப்படும். இது மாணவர்களின் தொழில்நுட்ப அறிவை மேலும் மேம்படுத்தும்.
இப்பயிற்சியில் சேர BCom, BBA, BE, BSc, BCA, MBA மற்றும் MCA உள்ளிட்ட எந்தவொரு துறையையும் சேர்ந்த இறுதியாண்டு மாணவர்கள் மற்றும் 2025 முதல் 2028-க்குள் பட்டம் பெறுபவர்கள்/பெற்றவர்கள் விண்ணப்பிக்கலாம். ஸோஹோ மென்பொருள் குறித்த முன் அனுபவம் தேவையில்லை; நிறுவனமே முழுமையான பயிற்சியை வழங்கும். ஆங்கிலத்தில் சரளமாகப் பேசவும் எழுதவும் தெரிந்திருப்பதுடன், வணிகச் செயல்பாடுகளை அறிந்துகொள்ளும் ஆர்வமும், புதிதாகக் கற்றுக்கொள்ளும் மனப்பான்மையும் கொண்டவர்களுக்கு முன்னுரிமை அளிக்கப்படும்.
பயிற்சியை வெற்றிகரமாக முடிக்கும் சிறந்த மாணவர்களுக்கு, இந்நிறுவனத்தில் 'டிரெய்னி' பணியில் சேருவதற்கான நேரடி வாய்ப்பு வழங்கப்படும். இதுமட்டுமின்றி, சென்னை மட்டுமல்லாமல் துபாயில் உள்ள அல் பர்ஷா கிளையிலும் பணியாற்றுவதற்கான வாய்ப்புகளும் உள்ளன. துபாய் கிளைக்கு விண்ணப்பிக்க விரும்புவோர் விண்ணப்பப் படிவத்திலோ அல்லது மின்னஞ்சல் தலைப்பிலோ 'Dubai' எனக் குறிப்பிட வேண்டும்.
தமிழகக் கல்லூரிகளில் 'லின்ஸ் டிரெய்னிங் அகாடமி' மூலமாக இலவச ஸோஹோ பயிற்சி மற்றும் வளாகத் தேர்வுகளையும் இந்நிறுவனம் நடத்தி வருகிறது. சென்னை முகப்பேர் மேற்கில் அமைந்துள்ள அலுவலகத்தில் திங்கள் முதல் வெள்ளி வரை காலை 9 மணி முதல் மாலை 6 மணி வரை இந்த நேரடிப் பயிற்சி நடைபெறும்.
ஆர்வமுள்ளவர்கள் திங்கள் முதல் வெள்ளி வரை காலை 10 மணி முதல் மாலை 4 மணி வரை நடைபெறும் நேரடி நேர்காணலில் தங்கள் சுயவிவரக் குறிப்பு (Printed CV) நகலுடன் பங்கேற்கலாம். முகவரி: சி.டி.சி 3, 2-வது தளம், எண். 5/790, கவிமணி தெரு, முகப்பேர் மேற்கு, சென்னை – 600037. நேரடியாகச் செல்ல முடியாதவர்கள் நிறுவனத்தின் இணையதளப் படிவம் மூலமாகவோ அல்லது careers@linztechnologies.com என்ற மின்னஞ்சல் முகவரிக்குத் தங்கள் பயோடேட்டாவை அனுப்பியோ விண்ணப்பிக்கலாம். கூடுதல் விவரங்களுக்கு +91 91502 22779 என்ற எண்ணில் தொடர்பு கொள்ளலாம்.
