துலீப் கோப்பை கிரிக்கெட் தொடருக்கான East Zone அணியின் துணை கேப்டனாக 15 வயது வீரர் வைபவ் சூர்யவன்ஷி நியமிக்கப்பட்டுள்ளார். இந்த திடீர் நியமனம் கிரிக்கெட் வட்டாரத்தில் பெரும் வியப்பை ஏற்படுத்தியுள்ளது. இந்திய கிரிக்கெட்டின் எதிர்காலத்திற்கான ஒரு முதலீடாகவே இந்த முடிவை தேர்வுக் குழுவினர் எடுத்துள்ளதாக தகவல்கள் தெரிவிக்கின்றன.
அனுபவம் வாய்ந்த விக்கெட் கீப்பர்-பேட்ஸ்மேன் இஷான் கிஷன் East Zone அணியின் கேப்டனாக நியமிக்கப்பட்டுள்ளார். அவருக்கு இணையாக, இளம் வீரர் சூர்யவன்ஷிக்கு துணை கேப்டன் பதவி வழங்கப்பட்டுள்ளது. இது தற்போதைக்கு அவர் மீது கூடுதல் சுமையை ஏற்றுவதற்காக அல்ல, மாறாக ஒரு கிரிக்கெட் வீரராக அவரது வளர்ச்சியை விரைவுபடுத்துவதற்கான ஒரு சிறந்த வாய்ப்பாகவே கருதப்படுகிறது.
இருப்பினும், இவ்வளவு இளம் வயதில் வைபவ் சூர்யவன்ஷிக்கு இவ்வளவு பெரிய பொறுப்பை வழங்குவது அவருடைய ஆட்டத்தை பாதிக்கக்கூடும் என்று பல கிரிக்கெட் வல்லுனர்கள் எச்சரிக்கை விடுத்துள்ளனர். 15 வயது சிறுவன் மீது ஏன் இவ்வளவு பெரிய பொறுப்பை தேர்வு குழுவினர் சுமத்துகிறார்கள் என்றும் அவர்கள் கேள்வி எழுப்பியுள்ளனர்.
வைபவ் சூர்யவன்சி இப்போதுதான் தனது கிரிக்கெட் வாழ்க்கையை தொடங்கியுள்ளார் என்றும், அவர் மீது எந்தவிதமான எதிர்பார்ப்புகளையும் வைக்கக் கூடாது என்றும் வல்லுனர்கள் வலியுறுத்தியுள்ளனர். சில பேட்ஸ்மேன்கள் சிறப்பாக ரன்கள் குவித்தாலும், கேப்டன்ஷிப் போன்ற பொறுப்புகள் அவர்களுடைய திறமையை பாதிக்கக்கூடும் என்றும் அவர்கள் குறிப்பிட்டுள்ளனர்.
குறிப்பாக, இந்திய கிரிக்கெட் ஜாம்பவான் சச்சின் டெண்டுல்கர் கேப்டனாக இருந்தபோது, அவர் பேட்டிங்கில் சிறப்பாக ரன்கள் குவித்தாலும், கேப்டன்ஷிப் பொறுப்பில் அவரால் ஒரு பேட்ஸ்மேனாக ஜொலிக்க முடியவில்லை என்பதை சுட்டிக்காட்டி, வைபவ் சூர்யவன்ஷியையும் இதேபோன்ற நிலைக்கு தள்ளிவிடக் கூடாது என்று அவர்கள் கவலை தெரிவித்துள்ளனர்.
சமீபத்தில், வைபவ் சூர்யவன்ஷி ஐபிஎல் தொடரில் விளையாடிய மிக இளம் வீரர்களில் ஒருவராக உருவெடுத்தார். அந்தத் தொடரில் அதிக ரன்கள் குவித்தவர்கள் பட்டியலில் முதலிடம் பிடித்தார். அவருடைய பயமற்ற ஆட்டமுறை அனைவராலும் பாராட்டப்பட்டது. மேலும், ஜிம்பாப்வே சுற்றுப்பயணத்தின் போது அவர் தொடரின் சிறந்த வீரர் (Player of the Series) விருதையும் வென்றார். ICC தரவரிசையில் 230 இடங்கள் முன்னேறி அவர் சிறப்பான வளர்ச்சியை வெளிப்படுத்தியுள்ளார். சுப்மன் கில் முதலிடம் பிடித்தார்.
