இந்தியாவில் மின்சார ஸ்கூட்டர்களின் பயன்பாடு வேகமாக அதிகரித்து வரும் நிலையில், டிவிஎஸ் நிறுவனம் தனது புதிய TVS X மின்சார ஸ்கூட்டரை அறிமுகப்படுத்தியுள்ளது. இந்த ஸ்கூட்டர், அதன் கவர்ச்சிகரமான வடிவமைப்பு மற்றும் சிறப்பான மைலேஜ் காரணமாக வாடிக்கையாளர்களின் கவனத்தை ஈர்த்து வருகிறது.
TVS X ஸ்கூட்டரின் விலை 2 லட்சத்து 80 ஆயிரத்து 282 ரூபாய் என நிர்ணயிக்கப்பட்டுள்ளது. இதன் வடிவமைப்பு பைக் போன்ற தோற்றத்தை அளிக்கிறது. 770 மி.மீட்டர் இருக்கை உயரம் கொண்ட இந்த ஸ்கூட்டர், வலிமையான கட்டமைப்பைக் கொண்டுள்ளது.
இந்த மின்சார ஸ்கூட்டரில் 4.4 கிலோவாட் பேட்டரி பொருத்தப்பட்டுள்ளது. ஒரு முறை முழுமையாக சார்ஜ் செய்தால், 140 கிலோமீட்டர் தூரம் வரை பயணிக்க முடியும். மேலும், இது மணிக்கு 105 கிலோமீட்டர் வேகம் வரை செல்லும் திறன் கொண்டது. 40 கிலோமீட்டர் வேகத்தை வெறும் 2.5 வினாடிகளில் எட்டிவிடும் ஆற்றல் இதற்கு உண்டு. இதில் Xtealth, Xtride மற்றும் Xonic என மூன்று விதமான ஓட்டும் முறைகள் உள்ளன. லித்தியம் அயன் பேட்டரி மற்றும் ஃபாஸ்ட் சார்ஜிங் வசதியும் இதில் அடங்கும்.
பாதுகாப்பிற்காக, சிங்கிள் சேனல் ஏபிஎஸ் பிரேக்கிங் சிஸ்டம், முன்புறம் மற்றும் பின்புறம் டிஸ்க் பிரேக்குகள் பொருத்தப்பட்டுள்ளன. முன்பக்கம் 12 இன்ச் மற்றும் பின்பக்கம் 12 இன்ச் அலாய் சக்கரங்கள் ட்யூப்லெஸ் டயர்களுடன் வருகின்றன. சஸ்பென்ஷன் அமைப்பைப் பொறுத்தவரை, முன்பக்கத்தில் டெலிஸ்கோபிக் மற்றும் பின்பக்கத்தில் மோனோஷாக் சஸ்பென்ஷன் கொடுக்கப்பட்டுள்ளது. 175 மி.மீட்டர் கிரவுண்ட் கிளியரன்ஸ் உள்ளது. பேட்டரிக்கு 3 வருடங்கள் அல்லது 50 ஆயிரம் கிலோமீட்டர் வரை வாரண்டி வழங்கப்படுகிறது.
டிஜிட்டல் இன்ஸ்ட்ரூமென்ட் கன்சோல், ப்ளூடூத் மற்றும் இன்டர்நெட் இணைப்பு, ஜிபிஎஸ் நேவிகேஷன் போன்ற நவீன வசதிகள் இதில் உள்ளன. ஸ்பீடோமீட்டர், ஓடோமீட்டர், 2 ட்ரிப்மீட்டர்கள் அனைத்தும் டிஜிட்டலில் காட்டப்படும். ஸ்டாண்ட் அலாரம், குறைந்த பேட்டரி இண்டிகேட்டர், ஹசார்ட் வார்னிங் இண்டிகேட்டர், ஹை பீம் இண்டிகேட்டர் போன்றவையும் இடம்பெற்றுள்ளன. கால்/எஸ்எம்எஸ் அலர்ட் வசதி, கீலெஸ் லாக்/அன்லாக், செல்ஃப் ஸ்டார்ட், சைட் ஸ்டாண்ட் இன்ஜின் கட்-ஆஃப், ஆன்டி தெஃப்ட் சிஸ்டம், ஹில் அசிஸ்ட், ரிவர்ஸ் மோட் பார்க்கிங் போன்ற பல சிறப்பு அம்சங்களும் இதில் அடங்கும். பேட்டரி ஸ்டேட்டஸ் மற்றும் லைவ் சார்ஜிங் ஸ்டேட்டஸ் போன்ற தகவல்களையும் அறியலாம். இரட்டை எல்இடி முகப்பு விளக்குகள், பூட் விளக்குகள், பகல்நேர விளக்குகள் மற்றும் எல்இடி பிரேக் விளக்குகள் என வெளிச்சத்திற்கும் முக்கியத்துவம் கொடுக்கப்பட்டுள்ளது.
