தமிழ்நாட்டில் உயர்கல்வி பயிலும் மாணவ, மாணவிகளுக்கு மாதந்தோறும் ரூ.1000 வழங்கும் புதுமைப்பெண் மற்றும் தமிழ்ப்புதல்வன் திட்டங்கள் தொடர்ந்து செயல்படுத்தப்படும் என முதலமைச்சர் விஜய் அறிவித்துள்ளார். இந்த அறிவிப்பின் மூலம், கடந்த தி.மு.க. ஆட்சிக்காலத்தில் தொடங்கப்பட்ட இந்த முக்கிய நலத்திட்டம் தற்போதைய அரசிலும் தொடர்வது உறுதி செய்யப்பட்டுள்ளது.
முன்னதாக, சட்டசபை நிகழ்வின்போது எதிர்க்கட்சித் தலைவர் உதயநிதி, முந்தைய தி.மு.க. ஆட்சியின் முக்கிய நலத்திட்டங்கள் தற்போதைய அரசிலும் தொடர வேண்டும் என வலியுறுத்தியிருந்தார். குறிப்பாக, உயர்கல்வி பயிலும் மாணவர்களுக்கான ரூ.1000 உதவித்தொகை திட்டம் நிறுத்தப்படாமல் தொடர வேண்டும் என அவர் கோரிக்கை விடுத்திருந்தார்.
இதற்கு பதிலளித்த முதலமைச்சர் விஜய், முந்தைய அரசுகளின் முக்கிய திட்டங்கள் தொடரும் என உறுதியளித்தார். இந்த அறிவிப்பினைத் தொடர்ந்து, புதுமைப்பெண் மற்றும் தமிழ்ப்புதல்வன் திட்டங்களின் கீழ், உயர்கல்வி பயிலும் மாணவ, மாணவிகளுக்கு மாதந்தோறும் வழங்கப்படும் ரூ.1000 தொகை, அவரவர் வங்கிக் கணக்குகளில் வரவு வைக்கப்பட்டுள்ளது.
மகளிர் உரிமைத் தொகை, புதுமைப்பெண், தமிழ்ப்புதல்வன் போன்ற திட்டங்கள் மூலம் மாணவ, மாணவிகளின் கல்விக்கு அரசு அளிக்கும் ஆதரவு தொடர்கிறது. இந்தத் திட்டங்கள் மூலம் உயர்கல்விக்கான செலவுகள் குறைந்து, மாணவர்கள் கல்வியில் சிறந்து விளங்க இது ஒரு முக்கிய பங்காற்றும் என எதிர்பார்க்கப்படுகிறது.
