'கான்ஜூரிங் கண்ணப்பன்' திரைப்படத்தை இயக்கிய செல்வின் ராஜ் சேவியர் எழுத்து மற்றும் இயக்கத்தில், நடிகர் சந்தானம் நடிக்கும் புதிய திரைப்படத்திற்கு 'லவ் பைட்' என்று தலைப்பிடப்பட்டுள்ளது. இத்திரைப்படத்தை ஏஜிஎஸ் நிறுவனம் சார்பில் கல்பாத்தி குழுமத்தினர் தயாரிக்கின்றனர். சந்தானத்துடன் இணைந்து நடிகர்கள் ஆனந்த் ராஜ், மொட்டை ராஜேந்திரன், அபர்ணா தாஸ் ஆகியோரும் முக்கிய கதாபாத்திரங்களில் நடிக்கின்றனர்.
இப்படத்தின் படப்பிடிப்பு இன்று பூஜையுடன் சிறப்பாகத் தொடங்கியது. அதேசமயம், படத்தின் புரோமோ வீடியோவும் தற்போது வெளியாகியுள்ளது. இந்த புரோமோ வீடியோ மூலம், 'லவ் பைட்' திரைப்படம் ஜாம்பியை மையமாகக் கொண்ட ஒரு காமெடி த்ரில்லராக உருவாகிறது என்பது உறுதியாகியுள்ளது.
