தமிழகத்தின் புதிய முதலமைச்சராக விஜய் பதவியேற்றுக்கொண்டதைத் தொடர்ந்து, அமைச்சரவைப் பட்டியல் இன்று ஆளுநர் மாளிகை மூலம் அதிகாரப்பூர்வமாக அறிவிக்கப்பட்டுள்ளது. முதலமைச்சர் விஜய் தன்னுடைய காவல், உள்துறை மற்றும் பொது நிர்வாகத் துறைகளைத் தானே கவனிப்பார். உடன், 9 அமைச்சர்களுக்கும் துறைகள் ஒதுக்கப்பட்டுள்ளது. இது குறித்த முழு விவரங்கள் தற்போது வெளியாகியுள்ளன.
நிதித்துறையை அமைச்சர் செங்கோட்டையன் அவர்கள் கவனிப்பார். ஊரக வளர்ச்சி மற்றும் நீர்வளத் துறைகளின் பொறுப்பு அமைச்சர் என். ஆனந்த அவர்களிடம் ஒப்படைக்கப்பட்டுள்ளது. அமைச்சர் ஆதவ் அர்ஜூனா பொதுப்பணித்துறை மற்றும் விளையாட்டுத்துறையை நிர்வகிப்பார். அதேபோல், மருத்துவம் மற்றும் மக்கள் நல்வாழ்வுத்துறையை அமைச்சர் அருண்ராஜ் கவனிப்பார்.
மேலும், உணவு மற்றும் பொது விநியோகத் துறையை அமைச்சர் வெங்கடரமணன் கையாள்வார். மின்சாரம் மற்றும் சட்டத்துறையின் பொறுப்பு அமைச்சர் நிர்மல்குமார் அவர்களுக்கு வழங்கப்பட்டுள்ளது. பள்ளிக்கல்வித்துறை அமைச்சர் ராஜ்மோகன் வசம் செல்கிறது. கனிமங்கள் மற்றும் சுரங்கத்துறையை அமைச்சர் பிரபுவும், தொழிற்துறையை அமைச்சர் கீர்த்தனாவும் நிர்வகிப்பார்கள் என ஆளுநர் மாளிகை அறிவித்துள்ளது.
கடந்த 10 ஆம் தேதி முதலமைச்சர் விஜய் பதவியேற்ற நிலையில், அமைச்சர்களின் துறைகள் ஒதுக்கப்படாமல் இருந்தது. தற்போது இந்த அறிவிப்பு வெளியாகியுள்ளதால், புதிய அமைச்சரவை தங்கள் பணிகளைத் தொடங்கத் தயாராக உள்ளது. இது தமிழகத்தின் வளர்ச்சிக்கு ஒரு புதிய அத்தியாயத்தை ஏற்படுத்தும் என எதிர்பார்க்கப்படுகிறது.
