ஜோதிகா, சோனாக்ஷி சின்ஹா இணைந்து நடித்துள்ள திரைப்படம், ‘சிஸ்டம்’. அஸ்வினி ஐயர் திவாரி இயக்கியுள்ளார். இவர் தமிழில் அமலா பால் நடித்த ‘அம்மா கணக்கு’ படத்தை இயக்கியவர். இப்படத்தில் அஷுதோஷ் கோவார்கர் , ப்ரீத்தி அகர்வால், ஆதிநாத் கோத்தாரே, ஆஷ்ரியா மிஷ்ரா உள்ளிட்ட பலர் முக்கிய வேடங்களில் நடித்துள்ளனர்.
இதை, பம்மி பவேஜா, ஹர்மன் பவேஜா மற்றும் ஸ்மிதா பாலிகா ஆகியோர் பவேஜா ஸ்டூடியோஸ் நிறுவனம் சார்பில் தயாரித்துள்ளனர். திருப்பங்கள் நிறைந்த நீதிமன்றத் த்ரில்லராக உருவாகியுள்ள இப்படம், அதிகாரமும் செல்வாக்கும் நிறைந்த உலகில் நீதி மற்றும் உண்மைக்காகப் போராடும் இரு பெண்களின் கதையைப் பேசுகிறது. இது வரும் 22-ம் தேதி அமேசான் பிரைம் வீடியோவில் வெளியாகிறது.
