சிம்ம ராசி நேயர்களே, பராபவ வருடம் ஆனி மாத கிரக நிலைகளின்படி, மாதத் தொடக்கத்தில் உங்கள் ராசிநாதன் சூரியன் லாபாதிபதி புதனோடு இணைந்து லாப ஸ்தானத்தில் சஞ்சரிக்கிறார். இதனால், லாபம் வருவதில் தடைகள் இருக்காது. இருப்பினும், அஷ்டமத்துச் சனியின் ஆதிக்கம் காரணமாக, வந்த பணம் உடனடியாக செலவாகும். உடல் நலத்திற்காகவும் சிறு தொகையை செலவிட நேரிடும். வீண் விரயங்களைத் தவிர்க்க சுப விரயங்களில் கவனம் செலுத்துங்கள்.
உங்கள் ராசிக்கு யோகாதிபதி செவ்வாய், மாதத் தொடக்கத்தில் தொழில் ஸ்தானத்திற்கு வருகிறார். இதனால், நிலுவையில் உள்ள தொழில்களை நிறைவு செய்யும் வாய்ப்பு உண்டு. ஆனி மாதம் 5-ந் தேதி (19.6.2026) ரிஷப ராசிக்கு செவ்வாய் பெயர்ச்சியாகிறார். தொழில் வெற்றி நடைபோடும், வரவேண்டிய லாபம் வந்து சேரும். கூட்டுத்தொழிலில் பழைய பங்குதாரர்களை நீக்கிவிட்டு புதியவர்களை சேர்க்கும் எண்ணம் மேலோங்கும். சொத்துக்கள் வாங்கும் யோகமும் உண்டு. இருப்பினும், அஷ்டமத்துச் சனியின் ஆதிக்கத்தால் கடன் சுமை அதிகரிக்கலாம். சிலருக்கு உத்தியோகத்தில் புதிய பொறுப்புகள் கிடைக்க வாய்ப்புள்ளது. உடன்பிறப்புகளின் சுப நிகழ்ச்சிகளை முன்னின்று நடத்துவீர்கள்.
ஆனி 21-ந் தேதி (5.7.2006) அன்று கடக ராசியில் சஞ்சரிக்கும் சுக்கிரன் உங்கள் ராசிக்கு வருகிறார். இதனால், எடுத்த முயற்சிகளில் வெற்றி கிடைக்கும். இல்லம் தேடி நல்ல செய்திகள் வந்து சேரும். கொடுத்த வாக்கை காப்பாற்றுவீர்கள். ஆடை ஆபரணச் சேர்க்கை உண்டு. பெண் வழிப் பிரச்சினைகள் நல்ல முடிவுக்கு வரும். உடன்பிறப்புகள் வழியில் ஏற்பட்ட பஞ்சாயத்துக்கள் சாதகமாக அமையும்.
ஆனி 31-ந் தேதி (15.7.2026) அன்று மீன ராசியில் சனி வக்ரம் பெறுகிறார். உங்கள் ராசிக்கு 6, 7 ஆகிய இடங்களுக்கு அதிபதியான சனி வக்ரம் பெறுவதால், சில நன்மைகளும், மனக்கசப்பான நிகழ்வுகளும் ஏற்படலாம். சனியின் மீது குருவின் பார்வை பதிவதால் பெரிய பாதிப்புகள் இருக்காது. உத்தியோக மாற்றம் மற்றும் ஊர் மாற்றம் நிகழலாம். குடும்பத்தில் செலவுகள் அதிகரிக்கும். விருந்தினர் வருகை உண்டு. வீடு கட்டும் அல்லது வாங்கும் முயற்சியில் ஆர்வம் காட்டுவீர்கள். பிள்ளைகளின் திருமணம் மற்றும் வேலைவாய்ப்பு முயற்சிகள் கைகூடும். வெளிநாட்டு வணிகம் ஆதாயம் தரும். உத்தியோகத்தில் இடமாற்றம், இலாகா மாற்றம் உறுதியாகலாம். உயர் அதிகாரிகளால் நன்மை கிடைக்கும். சனிக்கிழமை விரதம் மற்றும் வழிபாடு சகஜ நிலையை உருவாக்கும். பொதுவாழ்வில் பொறுப்புகளை கவனமாகச் செய்வது நல்லது. வியாபாரத்தில் வாடிக்கையாளர் எண்ணிக்கை அதிகரிக்கும். உத்தியோகத்தில் அதிகாரிகள் இணக்கமாக இருப்பர். கலைஞர்களுக்கு புதிய முயற்சிகளில் வெற்றி கிடைக்கும். மாணவ மாணவிகளுக்கு கல்வியில் அக்கறை கூடும். பெண்களுக்கு சுபச் செலவுகள் அதிகரிக்கும். எதிர்மறை சிந்தனைகளைத் தவிர்ப்பது நல்லது.
பணத்தேவையைப் பூர்த்தி செய்யும் நாட்கள்: ஜூன் 16, 17, 22, 23, 26, 27, 2; ஜூலை 9, 10, 11, 13, 14. மகிழ்ச்சி தரும் வண்ணம்: பச்சை.
