வெளிநாடு
இந்தியா
பட்ஜெட் ட்ரிப் போனா வயசாகும்… சொகுசா போனா இளமை கூடும்; இது என்னப்பா புது கதையா இருக்கு?
நீங்கள் எப்போதும் இளமையாக இருக்க டிராவல் பண்ணுனா போதும். ஆனா அதுல ஒரு ட்விஸ்ட் இருக்கு. அது என்ன என்பது குறித்து பார்க்கலாம்.
நீங்கள் எப்போதும் இளமையாக இருக்க டிராவல் பண்ணுனா போதும். ஆனா அதுல ஒரு ட்விஸ்ட் இருக்கு. அது என்ன என்பது குறித்து பார்க்கலாம்.
/indian-express-tamil/media/media_files/2026/05/07/travel-2026-05-07-18-07-41.jpg)
இனிமேல் உங்கள் முகத்தில் சுருக்கம் விழாமல் இருக்க ரெட்டினால் சீரம்களையோ, காபியில் கலந்து குடிக்கும் கொலாஜன் பவுடர்களையோ தேடி அலைய வேண்டியதில்லை. எடித் கோவன் பல்கலைக்கழகத்தின் (ECU) புதிய ஆய்வின்படி, நீங்கள் இளமையாக இருக்க வேண்டும் என்றால் நீங்கள் செய்யக் கூடிய மிகச்சிறந்த விஷயம் ஒரு விமான டிக்கெட்டை முன்பதிவு செய்வதுதான்.
பயணங்கள் எப்படி முதுமையைத் தடுக்கின்றன?
புதிய இடங்களுக்குச் செல்வது உடல் இயக்கம் மற்றும் மனிதர்களுடனான புதிய தொடர்புகள் போன்றவை உடலில் ஏற்படும் உயிரியல் ரீதியான வயதாகும் மாற்றங்களை மெதுவாக்குகின்றன. ‘என்ட்ரோபி’ (Entropy) என்ற இயற்பியல் கருத்தை அடிப்படையாகக் கொண்டு இந்த ஆய்வு மேற்கொள்ளப்பட்டது. பிரபஞ்சம் எப்படி காலப்போக்கில் ஒழுங்கற்ற நிலையை நோக்கிச் செல்கிறதோ, அதேபோல நம் உடலும் முதுமையை நோக்கிச் செல்கிறது. ஆனால், பயணங்கள் இந்த ஒழுங்கற்ற நிலையை எதிர்த்துப் போராடி உடலைச் சீரமைக்கின்றன.
பயணத்தினால் உடலுக்குக் கிடைக்கும் 4 நன்மைகள்
ஆராய்ச்சியாளர் ஃபாங்லி ஹூ தலைமையிலான இந்த ஆய்வு, பயணங்கள் உடலின் நான்கு முக்கிய அமைப்புகளுக்கு வலுவூட்டுவதாகக் கூறப்படுகிறது. புதிய சூழல்கள் மற்றும் கலாச்சாரங்கள் உங்கள் நோய் எதிர்ப்பு மண்டலத்தைத் தூண்டுகின்றன. முன்பின் தெரியாத நகரங்களில் நடப்பது உங்கள் வளர்சிதை மாற்றத்தை அதிகரிக்கிறது. புதிய மனிதர்களுடன் சிரித்துப் பேசுவது மன அழுத்த ஹார்மோன்களைக் குறைத்து, மனதை லேசாக்குகிறது. திசுக்களைச் சீரமைக்கும் ஹார்மோன்களைச் சுரக்கச் செய்து, உடல் தன்னைத்தானே புதுப்பித்துக் கொள்ள உதவுகிறது.
எல்லாப் பயணமும் இளமையைத் தராது
இங்கே ஒரு முக்கியமான விஷயம் உள்ளது. மிகவும் சோர்வான பயணங்கள், பாதுகாப்பற்ற இடங்கள் அல்லது மோசமான உணவு போன்றவை முதுமையை அதிகப்படுத்தக்கூடும். சரியான ஓய்வு, மிதமான நடைப்பயிற்சி மற்றும் மனநிறைவைத் தரும் பயணங்கள் மட்டுமே உடலுக்குப் புத்துயிர் அளிக்கும். அதாவது, தூக்கமில்லாமல் மூன்று விமானங்களை மாற்றிச் செல்லும் பட்ஜெட் பயணம் இளமையைத் தராது.
பயணம் செய்ய வேண்டிய இடங்கள்
உங்கள் வயது முதிர்வை தடுக்க நீங்கள் இந்தியாவில் இருந்து மிக அருகில் உள்ள மாலத்தீவு, அந்தமான் நிக்கோபார், இலங்கை, தாய்லாந்து, மலேசியா, நேபாளம், சிங்கப்பூர் ஆகிய நாடுகளுக்கு செல்லலாம். இவை பயண நேரத்தை குறைப்பதுடன் உங்கள் சுற்றுலாப் பயணத்தையும் என்ஜாய் பண்ண வைக்கிறது.
Stay updated with the latest news headlines and all the latest Lifestyle news. Download Indian Express Tamil App – Android or iOS.
