கோடை விடுமுறைக்கு பிறகு, ஜூன் 1 ஆம் தேதி பள்ளிகள் திறக்கப்படும் என தமிழ்நாடு அரசு அறிவித்திருந்த நிலையில், தற்போதைய அதீத வெயிலின் தாக்கம் காரணமாக பள்ளிகள் திறப்பை ஒரு வாரத்திற்கு தள்ளிவைக்க வேண்டும் என இந்தியக் கம்யூனிஸ்ட் கட்சி வலியுறுத்தியுள்ளது.
இது குறித்து அக்கட்சியின் மாநிலச் செயலாளர் மு.வீரபாண்டியன் வெளியிட்டுள்ள அறிக்கையில், தமிழ்நாட்டில் வெயிலின் தாக்கம் மிக அதிகமாக இருப்பதால், அது குழந்தைகள் மற்றும் ஆசிரியர்களின் உடல் நலத்திற்கு பாதிப்பை ஏற்படுத்தும் என தெரிவித்துள்ளார்.
எனவே, மாணவர்கள் மற்றும் ஆசிரியர்களின் நலனைக் கருத்தில் கொண்டு, பள்ளிகள் திறப்பை ஒரு வார காலத்திற்கு தள்ளிவைக்க வேண்டும் என்று இந்தியக் கம்யூனிஸ்ட் கட்சியின் மாநில செயற்குழு தமிழ்நாடு அரசை கேட்டுக் கொண்டுள்ளது.
இந்த கோரிக்கை ஏற்கப்பட்டால், மாணவர்கள் மற்றும் ஆசிரியர்கள் வெயிலின் தாக்கத்திலிருந்து தப்பித்து, பாதுகாப்பாக பள்ளிக்கு செல்ல முடியும் என எதிர்பார்க்கப்படுகிறது.
