இந்திய ரயில்வேயில் மத்திய அரசுப் பணியிடங்களுக்கான மாபெரும் அறிவிப்பு வெளியாகியுள்ளது. மொத்தம் 3,477 காலியிடங்களை நிரப்புவதற்கான வேலைவாய்ப்பு அறிவிக்கையை Railway Recruitment Board (RRB) வெளியிட்டுள்ளது. இந்த அறிவிக்கை எண் 06/2026 ஆகும். நாடு முழுவதும் உள்ள பல்வேறு ரயில்வே மண்டலங்களில் இந்த வேலைவாய்ப்புகள் வழங்கப்பட உள்ளன.
பல்வேறு பதவிகளுக்கான சம்பளம் மற்றும் கல்வித் தகுதிகள் அறிவிக்கப்பட்டுள்ளன. Chief Commercial – Ticket Supervisor, Station Master, Goods Train Manager, Junior Account Assistant – Typist, Senior Clerk – Typist, மற்றும் Traffic Assistant போன்ற பதவிகள் இதில் அடங்கும். இந்தப் பதவிகளுக்கு மாதம்தோறும் Rs.35,400/- முதல் Rs.29,200/- வரை சம்பளம் வழங்கப்படும். அனைத்துப் பதவிகளுக்கும் ஏதேனும் ஒரு துறையில் பட்டப்படிப்பு முடித்தவர்கள் விண்ணப்பிக்கலாம்.
இந்தப் பணியிடங்களுக்கு விண்ணப்பிக்க விரும்புவோர் 18 வயது முதல் 33 வயதுக்கு உட்பட்டவராக இருக்க வேண்டும். இருப்பினும், குறிப்பிட்ட பிரிவினருக்கு வயது வரம்பில் தளர்வுகள் வழங்கப்பட்டுள்ளன. SC / ST பிரிவினருக்கு 5 ஆண்டுகளும், OBC பிரிவினருக்கு 3 ஆண்டுகளும் வயது வரம்பு தளர்த்தப்பட்டுள்ளது. மேலும், மாற்றுத்திறனாளிகளுக்கான வயது வரம்பு சலுகைகளும் அறிவிக்கப்பட்டுள்ளன. PwBD (General / EWS) பிரிவினருக்கு 10 ஆண்டுகள், PwBD (SC / ST) பிரிவினருக்கு 15 ஆண்டுகள், மற்றும் PwBD (OBC) பிரிவினருக்கு 13 ஆண்டுகள் என வயது வரம்பு தளர்த்தப்பட்டுள்ளது.
விண்ணப்பக் கட்டணத்தைப் பொறுத்தவரை, SC, ST, Ex-Servicemen, பெண்கள், திருநங்கைகள், சிறுபான்மையினர் மற்றும் பொருளாதாரத்தில் பின்தங்கிய வகுப்பினர் (EBC) போன்ற பிரிவினருக்கு விண்ணப்பக் கட்டணம் ரூ.250 ஆக நிர்ணயிக்கப்பட்டுள்ளது. இவர்கள் கணினி வழித் தேர்வை எழுதிய பிறகு, முழுத் தேர்வு கட்டணமும் திரும்ப அளிக்கப்படும். மற்ற பிரிவினருக்கு விண்ணப்பக் கட்டணம் ரூ.500 ஆகும். இவர்களுக்கும் கணினி வழித் தேர்வை எழுதிய பிறகு ரூ.400 திரும்ப வழங்கப்படும்.
தேர்வு முறையானது பல கட்டங்களாக நடைபெறும். முதலில், முதல் நிலை கணினி வழித் தேர்வு (First Stage Computer Based Test – CBT) நடத்தப்படும். இதைத் தொடர்ந்து இரண்டாம் நிலை கணினி வழித் தேர்வு (Second Stage Computer Based Test – CBT) நடைபெறும். சில பதவிகளுக்கு Typing Skill Test அல்லது Computer Based Aptitude Test (CBAT) நடத்தப்படும். இறுதியாக, ஆவணச் சரிபார்ப்பு (Document Verification) மற்றும் மருத்துவப் பரிசோதனை (Medical Examination) மூலம் தகுதியானவர்கள் தேர்ந்தெடுக்கப்படுவார்கள்.
விண்ணப்பிக்க ஆரம்ப தேதி 08.10.2026 அன்று தொடங்குகிறது. கடைசி தேதி 06.11.2026 ஆகும். ஆர்வமுள்ளவர்கள் ரயில்வே ஆட்சேர்ப்பு வாரியத்தின் (RRB) அதிகாரப்பூர்வ இணையதளத்திற்குச் சென்று விண்ணப்பிக்கலாம். முதலில், இணையதளத்தில் CEN 06/2026 – NTPC Graduate என்ற அறிவிப்பைத் தேர்வு செய்ய வேண்டும். பின்னர், புதிய பதிவை (New Registration) மேற்கொண்டு, மொபைல் எண் மற்றும் மின்னஞ்சல் ஐடி மூலம் பதிவு செய்ய வேண்டும்.
பதிவு செய்த பிறகு, விண்ணப்பதாரர்கள் தங்களது தனிப்பட்ட விவரங்கள், கல்வித் தகுதி மற்றும் பட்டம் தொடர்பான விவரங்களை கவனமாகப் பூர்த்தி செய்ய வேண்டும். தேவையான புகைப்படம், கையொப்பம் மற்றும் பிற ஆவணங்களை உரிய வடிவத்தில் பதிவேற்றம் செய்ய வேண்டும். விண்ணப்பக் கட்டணத்தை ஆன்லைன் மூலம் செலுத்த வேண்டும். அனைத்து விவரங்களையும் சமர்ப்பிக்கும் முன் ஒருமுறைக்கு இருமுறை சரிபார்த்து, இறுதியாக விண்ணப்பப் படிவத்தை சமர்ப்பித்து, அதனைப் பதிவிறக்கம் செய்து அல்லது அச்சிட்டு பாதுகாப்பாக வைத்துக் கொள்ளுமாறு அறிவுறுத்தப்பட்டுள்ளது.
