பொதுவாக பலர் தொப்பை மற்றும் உடல் எடை அதிகரிப்பு பிரச்சினையால் அவதிப்படுகின்றனர். இந்த தொப்பையை குறைக்க பல இயற்கை வழிகள் உள்ளன. அவை பற்றி விரிவாக காண்போம்.
தினமும் குறைந்தது 7-8 டம்ளர் தண்ணீர் குடிப்பது அவசியம். இதனால் உடல் வறட்சி நீங்குவதோடு, உடலில் தங்கியுள்ள நச்சுக்களும் வெளியேறும். மேலும், வயிற்றைச் சுற்றியுள்ள தொப்பையும் குறைக்க இது உதவும்.
உணவில் அதிகப்படியான உப்பை சேர்ப்பதை தவிர்க்க வேண்டும். உப்பை அதிகம் சேர்த்தால் உடலில் நீர் தங்கி, தொப்பை கரையாமல் போகும். சர்க்கரைக்கு பதிலாக தேனை பயன்படுத்தலாம். இதனால் தொப்பை குறைவதோடு, உடல் எடையும் குறைந்து ஆரோக்கியம் மேம்படும்.
காபி அல்லது டீயில் சிறிது பட்டை தூளை சேர்த்து குடித்தால், சர்க்கரை அளவை சீராக வைக்கலாம். நட்ஸ்களில் உள்ள கொழுப்புக்கள் உடலுக்கு நல்லது. ஸ்நாக்ஸ் நேரத்தில் வால்நட், பாதாம், வேர்க்கடலை போன்றவற்றை சாப்பிடலாம். சிட்ரஸ் பழங்களில் உள்ள வைட்டமின் சி, தேவையில்லாத கொழுப்புகளை கரைத்து வெளியேற்றும்.
தினமும் உணவில் தயிரை சேர்த்துக்கொள்வது தொப்பையை குறைக்க உதவும். வெதுவெதுப்பான நீரில் எலுமிச்சை சாறு, சிறிது உப்பு மற்றும் தேன் சேர்த்து குடித்தால் தொப்பை நிச்சயம் குறையும். தினமும் காலையில் ஒரு பல் பூண்டு சாப்பிட்டால், உடலில் உள்ள கொழுப்புகள் கரைவதோடு, இரத்த ஓட்டமும் சீராகும்.
