வெலிங்டனில் நியூசிலாந்து அணிக்கு எதிரான 2-வது ஒருநாள் போட்டியில், இந்திய அணியின் இளம் வேகப்பந்து வீச்சாளர் ஆகிப் நபி தனது முதல் சர்வதேச விக்கெட்டை வீழ்த்தி அசத்தியுள்ளார். தொடக்கத்திலேயே 2 விக்கெட்டுகளை அள்ளி நியூசிலாந்து பேட்டிங் வரிசையை நிலைகுலைய வைத்தார்.
கடந்த செப்டம்பரில் வெஸ்ட் இண்டீஸுக்கு எதிராக தனது அறிமுக ஒருநாள் போட்டியில் ஆடிய ஆகிப் நபி, 8.5 ஓவர்களில் 84 ரன்களை வாரி வழங்கி ஒரு விக்கெட் கூட எடுக்க முடியாமல் திணறினார். தொடர்ந்து ஆக்லாந்தில் நடந்த நியூசிலாந்துக்கு எதிரான முதல் ஒருநாள் போட்டியிலும் 6 ஓவர்களில் 33 ரன்கள் கொடுத்தார். அப்போதும் விக்கெட் எதுவும் கிடைக்கவில்லை. இதனால் அணியில் அவரது இடம் குறித்து கேள்விகள் எழுந்தன. முகமது சிராஜ் வந்தவுடன் ஆகிப் நபி நீக்கப்படுவார் என்றும் கூறப்பட்டது.
ஆனால் கேப்டன் சுப்மன் கில் 2வது ஒருநாள் போட்டியிலும் ஆகிப் நபிக்கு வாய்ப்பு அளித்தார். கேப்டன் வைத்த நம்பிக்கையை ஆகிப் நபி வீணாக்காமல் பவர்பிளே ஓவர்களிலேயே 2 விக்கெட்களை வீழ்த்தினார். மேகமூட்டமான வானிலையைப் பயன்படுத்தி அதிக வேகத்தில் பந்துவீசிய அவர், 2-வது ஓவரின் 5-வது பந்தில் நியூசிலாந்து தொடக்க வீரர் டிம் சீஃபர்ட்டை அன்ஷுல் கம்போஜின் அபார கேட்ச் மூலம் டக் அவுட்டாக்கினார். இது சர்வதேச அரங்கில் ஆகிப் நபியின் முதல் விக்கெட்டாகப் பதிவானது.
அத்துடன் நின்றுவிடாமல், தனது அடுத்தடுத்த ஓவர்களில் பந்தை அற்புதமாக ஸ்விங் செய்த அவர், 7-வது ஓவரில் மற்றொரு தொடக்க ஆட்டக்காரரான வில் யங்கை 4 ரன்களில் கேஎல் ராகுலின் மின்னல் வேக கேட்ச் மூலம் வெளியேற்றினார். ஸ்மித், வார்னர் மட்டுமில்லை மொத்த ஆஸ்திரேலிய அணிக்கும் பங்கு.. பால் டேம்பரிங் உண்மையை உடைத்த கவாஜா.
தனது முதல் ஸ்பெல்லில் 5 ஓவர்கள் வீசி 21 ரன்கள் மட்டுமே கொடுத்து 2 முக்கிய விக்கெட்டுகளை அள்ளிய ஆகிப் நபியின் இந்த மாஸ் கம்பேக் ரசிகர்கள் மத்தியிலும் வரவேற்பை பெற்றுள்ளது. இவரது பந்துவீச்சால் நியூசிலாந்து அணி 11 ரன்களுக்கு 2 விக்கெட் இழந்தது. பின்னர் அன்ஷுல் கம்போஜ் ஒரு விக்கெட் வீழ்த்த, நியூசிலாந்து அணி 23 ரன்களுக்கு 3 விக்கெட்களை இழந்தது.
2வது சதம் விளாசிய ஜெய்ஸ்வால்.. நியூசிலாந்தில் ரன் குவிக்கமாட்டார் என்ற விமர்சனத்துக்கு பதிலடி.
வெலிங்டனில் நடைபெற்ற இந்த ஆட்டத்தில், ஆகிப் நபியின் சிறப்பான பந்துவீச்சு நியூசிலாந்து அணியின் தொடக்கத்தை சீர்குலைத்தது. கேப்டன் சுப்மன் கில்லின் நம்பிக்கை வீண் போகவில்லை என்பதை ஆகிப் நபி நிரூபித்துள்ளார். அவரது இந்த செயல்பாடு, விமர்சனங்களுக்கு பதிலடி கொடுக்கும் விதமாக அமைந்துள்ளது.
இந்த போட்டி இந்திய அணிக்கு ஒரு திருப்புமுனையாக அமையும் என எதிர்பார்க்கப்படுகிறது. ஆகிப் நபியின் இந்த அதிரடி தொடக்கமானது, இந்திய அணியின் வெற்றிக்கு வழிவகுக்கும் என்று ரசிகர்கள் நம்பிக்கை தெரிவித்துள்ளனர். மேலும், இது போன்ற இளம் வீரர்களின் எழுச்சி இந்திய கிரிக்கெட்டுக்கு மேலும் வலு சேர்க்கும் என்பதில் சந்தேகமில்லை.
