இந்திய கார் சந்தையில் முன்னணி நிறுவனங்களில் ஒன்றான ஹுண்டாய், வாடிக்கையாளர்களைக் கவரும் வகையில் செப்டம்பர் மாதத்திற்கான சிறப்பு தள்ளுபடி சலுகைகளை அறிவித்துள்ளது. இந்த சலுகைகள் மூலம் பல்வேறு மாடல் கார்கள் மீது ரொக்கத் தள்ளுபடி, ஸ்கிராப்பேஜ் தள்ளுபடி, எக்ஸ்சேஞ்ச் போனஸ் என பலவிதமான நன்மைகளை வாடிக்கையாளர்கள் பெறலாம்.
ஹுண்டாய் நிறுவனம் அறிவித்துள்ள இந்த தள்ளுபடி சலுகைகள், பட்ஜெட் கார்கள் முதல் சொகுசு கார்கள் வரை பரவலாகப் பொருந்தும் வகையில் அமைந்துள்ளன. குறிப்பாக, ஹுண்டாய் கிரெட்டா மற்றும் கிரெட்டா என் லைன் கார்களுக்கு அதிகபட்சமாக ரூபாய் 1 லட்சம் வரை தள்ளுபடி அறிவிக்கப்பட்டுள்ளது. இது கார் வாங்க திட்டமிட்டிருந்த பலருக்கும் ஒரு நல்ல வாய்ப்பாக அமைந்துள்ளது.
மற்ற மாடல்களின் தள்ளுபடி விவரங்களையும் விரிவாகக் காணலாம். கிராண்ட் ஐ10 நியாஸ் காருக்கு ரூபாய் 30 ஆயிரம் ரொக்கத் தள்ளுபடியும், அதிகபட்சமாக ரூபாய் 70 ஆயிரம் வரையும் சலுகைகள் வழங்கப்படுகின்றன. அதேபோல், Aura காருக்கு ரூபாய் 20 ஆயிரம் ரொக்கத் தள்ளுபடியும், அதிகபட்சமாக ரூபாய் 30 ஆயிரம் வரையும் சலுகைகள் அறிவிக்கப்பட்டுள்ளன.
i20 மற்றும் i20 N Line கார்களுக்கு ரூபாய் 20 ஆயிரம் ரொக்கத் தள்ளுபடியும், அதிகபட்சமாக ரூபாய் 60 ஆயிரம் வரையும் தள்ளுபடி வழங்கப்படுகிறது. புதிய மாடலான Exter காருக்கு ரூபாய் 20 ஆயிரம் ரொக்கத் தள்ளுபடியும், அதிகபட்சமாக ரூபாய் 50 ஆயிரம் வரையும் சலுகைகள் அறிவிக்கப்பட்டுள்ளன. Venue மற்றும் Venue N Line கார்களுக்கு அதிகபட்சமாக ரூபாய் 5 ஆயிரம் வரை சலுகைகள் உள்ளன.
Verna காருக்கு ரூபாய் 30 ஆயிரம் ரொக்கத் தள்ளுபடியும், அதிகபட்சமாக ரூபாய் 65 ஆயிரம் வரையும் தள்ளுபடி அறிவிக்கப்பட்டுள்ளது. சொகுசு எஸ்யூவி பிரிவில் உள்ள Alcazar காருக்கு ரூபாய் 40 ஆயிரம் ரொக்கத் தள்ளுபடியும், அதிகபட்சமாக ரூபாய் 80 ஆயிரம் வரையும் சலுகைகள் வழங்கப்படுகின்றன.
மின்சார வாகனப் பிரிவில், Creta Electric காருக்கு ரூபாய் 15 ஆயிரம் ரொக்கத் தள்ளுபடியும், அதிகபட்சமாக ரூபாய் 50 ஆயிரம் வரையும் தள்ளுபடி அறிவிக்கப்பட்டுள்ளது. இந்த விரிவான தள்ளுபடி பட்டியல், பல்வேறு வாடிக்கையாளர் தேவைகளைப் பூர்த்தி செய்யும் வகையில் அமைந்துள்ளது.
குறிப்பாக, கிராண்ட் ஐ10 நியாஸ் காரின் சிஎன்ஜி வேரியண்டிற்கு ரூபாய் 25 ஆயிரம் சிறப்புத் தள்ளுபடி வழங்கப்படுகிறது. மேலும், ஸ்கிராப்பேஜ் தள்ளுபடியாக ரூபாய் 20 ஆயிரம், எக்சேஞ்ச் தள்ளுபடியாக ரூபாய் 15 ஆயிரம், அப்கிரேட் போனஸாக ரூபாய் 15 ஆயிரம், கார்ப்பரேட் தள்ளுபடியாக ரூபாய் 5 ஆயிரம் என பலவிதமான சலுகைகள் இதில் அடங்கும்.
ஹுண்டாய் ஐ20 மற்றும் ஐ20 என் லைன் கார்களுக்கு ரூபாய் 20 ஆயிரம் ரொக்கத் தள்ளுபடியுடன், ஸ்கிராப்பேஜ் தள்ளுபடியாக ரூபாய் 20 ஆயிரம் அல்லது எக்சேஞ்ச் தள்ளுபடியாக ரூபாய் 15 ஆயிரம், அப்கிரேட் தள்ளுபடியாக ரூபாய் 15 ஆயிரம் என கூடுதல் நன்மைகளும் உள்ளன. ஹுண்டாய் Aura செடான் காருக்கு மொத்த தள்ளுபடியாக ரூபாய் 30 ஆயிரம் அறிவிக்கப்பட்டுள்ளது. இதில் பெட்ரோல் வேரியண்டிற்கு ரூபாய் 10 ஆயிரமும், சிஎன்ஜி வேரியண்டிற்கு ரூபாய் 20 ஆயிரமும் ரொக்கத் தள்ளுபடியாகவும், ஸ்கிராப்பேஜ் போனஸாக ரூபாய் 5 ஆயிரமும் அறிவிக்கப்பட்டுள்ளது.
