இள வயதிலேயே முடி நரைப்பதால் பலர் ஹேர் டை பயன்படுத்தத் தொடங்குகின்றனர். ஆனால், ரசாயனம் கலந்த தரமற்ற ஹேர் டை-யை தொடர்ந்து பயன்படுத்துவது கூந்தலுக்குப் பலவிதமான பாதிப்புகளை ஏற்படுத்தும். இதனால் முடி வறண்டு போதல், உடைதல், உதிர்தல், பொடுகு, இளநரை போன்ற பிரச்சனைகள் ஏற்படுவதுடன், வழுக்கை விழவும் வாய்ப்புகள் அதிகம்.
ரசாயனம் கலந்த ஹேர் டை-யினால் ஏற்படும் பக்க விளைவுகள் குறித்து விரிவாகக் காண்போம். இள வயதில் முடி நரைப்பதற்குத் தவறான உணவுப் பழக்கம் மற்றும் மன அழுத்தம் முக்கிய காரணங்களாக உள்ளன. மேலும், சுற்றுச்சூழல் மாசுக்களால் தலையில் படியும் தூசி, தலையில் எண்ணெய் பற்றாக்குறையால் ஏற்படும் வறட்சி போன்றவையும் இளநரைக்கு வழிவகுக்கின்றன.
தொடர்ந்து தரமற்ற ஹேர் டை-யைப் பயன்படுத்தும்போது, கூந்தல் வறண்டு, முடி உடைந்து, உதிர்ந்து, பொடுகு மற்றும் இளநரை ஏற்படும். இது வழுக்கைக்கும் வழிவகுக்கும். மேலும், டை அடிப்பதால் சருமத்தில் நெற்றி, முகம் சிவந்து போதல் மற்றும் அரிப்பு போன்ற பிரச்சனைகளும் ஏற்படலாம்.
கண் எரிச்சல், பார்வை மங்குதல், சருமப் புற்றுநோய் போன்ற கடுமையான நோய்கள் வருவதற்கும் ஹேர் டை ஒரு காரணமாக அமையலாம். தலையில் பயன்படுத்தப்படும் டை, சருமத்தின் வழியாக இரத்தத்தில் கலந்து, சுவாசப் பிரச்சனைகள், பார்வை குறைபாடு, வயிற்று வலி, வாந்தி, மற்றும் பேச்சில் தடுமாற்றம் போன்ற பாதிப்புகளையும் உண்டாக்கலாம்.
பெண்கள் கர்ப்ப காலத்திலும், தாய்ப்பால் கொடுக்கும் காலத்திலும் ஹேர் டை பயன்படுத்துவதைத் தவிர்க்க வேண்டும். ஹேர் டை உபயோகிக்கும்போது ஏதேனும் பக்க விளைவுகள் ஏற்பட்டால், உடனடியாக அதைப் பயன்படுத்துவதை நிறுத்திவிட வேண்டும். அலர்ஜியில் தொடங்கி, ஹார்மோன் சமச்சீரின்மை, புற்றுநோய் வரை ஆபத்துகள் நேரலாம்.
எனவே, இதுபோன்ற ஆபத்துகளில் இருந்து பாதுகாத்துக் கொள்ள, இயற்கை முறையில் தயாரிக்கப்பட்ட டை வகைகளைப் பயன்படுத்துவது நன்மை பயக்கும். இது கூந்தலுக்கும் பாதுகாப்பானது மற்றும் ஆரோக்கியமானது.
