உலகின் புகழ்பெற்ற இருசக்கர வாகன தயாரிப்பு நிறுவனமான Harley-Davidson, இந்திய சந்தையில் தனக்கென ஒரு பெரிய ரசிகர் பட்டாளத்தை வைத்துள்ளது. Harley-Davidson பைக்குகளை வாங்குவதை பலரும் ஒரு கௌரவமாக கருதுகின்றனர். இந்நிலையில், இந்நிறுவனத்தின் Harley-Davidson X440 பைக்கின் விலை, தரம் மற்றும் மைலேஜ் குறித்த விரிவான தகவல்களை இங்கு காண்போம்.
Harley-Davidson X440 பைக்கில் மொத்தம் 2 வேரியண்ட்கள் உள்ளன. முதல் வேரியண்டான X440 Vivid-ன் விலை ரூபாய் 2 லட்சத்து 85 ஆயிரத்து 517 ஆகும். இரண்டாவது வேரியண்டான X440 S-ன் விலை ரூபாய் 3 லட்சத்து 12 ஆயிரத்து 902 ஆகும். இரண்டாவது வேரியண்டில் ப்ளூடூத் மற்றும் ஜிபிஎஸ் வசதிகள் கூடுதலாக இடம்பெற்றுள்ளன. முதல் வேரியண்ட் மஞ்சள், சிவப்பு, சாம்பல் மற்றும் வெள்ளை வண்ணங்களிலும், இரண்டாவது வேரியண்ட் ஆரஞ்சு மற்றும் கருப்பு வண்ணங்களிலும் கிடைக்கிறது.
இந்த Harley-Davidson X440 பைக்கில் 440 சிசி எஞ்சின் பொருத்தப்பட்டுள்ளது. இது நெடுஞ்சாலைகளில் மணிக்கு 37 கிலோமீட்டர் வரையிலும், போக்குவரத்து நெரிசலில் 25 முதல் 28 கிலோமீட்டர் வரையிலும் மைலேஜ் வழங்கும் திறன் கொண்டது. இதில் 6 கியர்கள் உள்ளன. பைக்கின் எடை 190.5 கிலோ ஆகும். பெட்ரோல் டேங்க் கொள்ளளவு 13.5 லிட்டர். ஒரு முறை டேங்க்கை நிரப்பினால் 473 கிலோமீட்டர் வரை பயணிக்க முடியும். மேலும், இதில் பிஎஸ் 6 பாஸ் 2 எமிஷன் ஸ்டாண்டர்ட் வசதியும் உள்ளது.
சிறப்பு அம்சங்களைப் பொறுத்தவரை, டூயல் சேனல் ஏபிஎஸ் வசதி, முன்பக்கம் மற்றும் பின்பக்கம் டிஸ்க் பிரேக்குகள், அலாய் சக்கரங்கள் (முன்பக்கம் 18 இன்ச், பின்பக்கம் 17 இன்ச்) மற்றும் ட்யூப்லெஸ் டயர்கள் இடம்பெற்றுள்ளன. KYB Upside-down Forks 43mm முன்பக்க சஸ்பென்ஷன் மற்றும் பின்பக்கம் Twinshock Absorbers, 7 Step Preload adjustable சஸ்பென்ஷன் ஆகியவை உள்ளன. 170 மி.மீ கிரவுண்ட் கிளியரன்ஸ், 2.7 லிட்டர் ரிசர்வ் கொள்ளளவு, 70 ஆயிரம் கிலோமீட்டர் அல்லது 5 வருட வாகன வாரண்டி, 3 இலவச சர்வீஸ்கள் போன்றவையும் இதன் சிறப்பம்சங்களாகும். 3.5 இன்ச் TFT டிஸ்ப்ளே, ஸ்பீடோமீட்டர், ஓடோமீட்டர், ப்யூல் கேஜ், டேக்கோமீட்டர் அனைத்தும் டிஜிட்டல் வசதியில் உள்ளன. மேலும், ஸ்டாண்ட் அலாரம், கியர் இண்டிகேட்டர், கியர் ஷிப்ட் லைட், லோ ஃபியூல் இண்டிகேட்டர், லோ ஆயில் இண்டிகேட்டர், சர்வீஸ் ரிமைண்டர், ஹசார்ட் வார்னிங் இண்டிகேட்டர், ஹை பீம் இண்டிகேட்டர், மால்ஃபங்ஷன் இண்டிகேட்டர், நேரம் பார்க்கும் வசதி, எல்இடி ப்ராஜெக்டர் முகப்பு விளக்குகள், பகலில் எரியும் விளக்குகள், எல்இடி டெயில் விளக்குகள் போன்ற நவீன வசதிகளும் இதில் அடங்கும். Harley-Davidson நிறுவனத்தின் பைக்குகளிலேயே இதுவே விலை குறைவான பைக் என்பது குறிப்பிடத்தக்கது.
