மத்திய பிரதேசத்தின் குவாலியர் பகுதியைச் சேர்ந்த ஆதித்ய சிகார்வர் என்ற இளைஞர், தனது காதலியின் முத்தங்களை இன்ஸ்டாகிராம் ரீல்ஸாக வெளியிட்டதன் விளைவாக பெரும் சிக்கலில் மாட்டிக்கொண்டார். இன்ஸ்டாகிராமில் அடிக்கடி ரீல்ஸ் வெளியிடும் ஆதித்யாவின் பக்கத்திற்கு சுமார் 3,000 பேர் மட்டுமே பின்தொடர்ந்தனர். அவரது ரீல்ஸ்களுக்கு எதிர்பார்த்த லைக்குகள் கிடைக்கவில்லை. இந்த நிலையில், தனது காதலியின் அன்பை வெளிப்படுத்தும் விதமாக, காரின் கண்ணாடிகள் முழுவதும் சுமார் 3,400 முத்தங்களை அவர் பதித்தார். இந்தச் செயலை வீடியோவாகப் பதிவு செய்து இன்ஸ்டாகிராமில் வெளியிட்டார். இந்த வீடியோ வைரலானதைத் தொடர்ந்து, போக்குவரத்து விதிமுறைகளை மீறியதாகக் கூறி, மத்திய பிரதேச காவல்துறையினர் ஆதித்ய சிகார்வருக்கு ரூ.5,500 அபராதம் விதித்தனர். சமூக வலைதளங்களில் பிரபலமடைவதற்காக இதுபோன்ற செயல்களில் ஈடுபடுவது ஆபத்தானது என்றும், இது போன்ற செயல்களால் சட்ட சிக்கல்களை சந்திக்க நேரிடும் என்றும் காவல்துறை எச்சரித்துள்ளது. மேலும், பொதுமக்களின் பாதுகாப்பு மற்றும் போக்குவரத்து விதிமுறைகளுக்கு மதிப்பளிக்குமாறும் அறிவுறுத்தியுள்ளது. சமூக வலைதளங்களில் ரீல்ஸ் மூலம் பிரபலமடைய நினைக்கும் இளைஞர்கள் இதுபோன்ற விபரீத செயல்களில் ஈடுபடும்போது கவனமாக இருக்க வேண்டும் என்பதை இந்த சம்பவம் உணர்த்துகிறது.
