தமிழ்நாடு முழுவதும் மகளிருக்கு இலவச பேருந்து திட்டம் செயல்படுத்துவது குறித்து முதல்வர் விஜய் இன்று முக்கிய ஆலோசனை நடத்தினார். இத்திட்டத்தை மேலும் விரிவுபடுத்துவது மற்றும் மின்சார பேருந்துகளின் பயன்பாட்டை அதிகரிப்பது குறித்தும் விவாதிக்கப்பட்டது.
போக்குவரத்துத் துறை அமைச்சர் மற்றும் உயர் அதிகாரிகளுடன் நடைபெற்ற இந்த ஆலோசனைக் கூட்டத்தில், மகளிருக்கான கட்டணமில்லா பேருந்து திட்டத்தின் தற்போதைய நிலை மற்றும் எதிர்கால விரிவாக்கம் குறித்து விரிவாக விவாதிக்கப்பட்டது. மேலும், போக்குவரத்துத் தொழிலாளர்களின் நலன் சார்ந்த பிரச்சனைகளுக்கும் தீர்வு காணும் வகையில் நடவடிக்கைகள் எடுக்கப்படும் எனத் தெரிவிக்கப்பட்டது.
பயணிகள் தடையின்றி, எளிதாக பயணிக்க ஏதுவாக, பணமில்லா பரிவர்த்தனை முறையை ஊக்குவிக்கும் வகையில் ஸ்மார்ட் கார்டு திட்டத்தை அமல்படுத்தவும் தவெக அரசு திட்டமிட்டுள்ளது. இத்திட்டம் விரைவில் செயல்பாட்டுக்கு வரும் என எதிர்பார்க்கப்படுகிறது.
இந்த முக்கிய ஆலோசனைக் கூட்டத்தின் முடிவில், மகளிர் இலவச பேருந்து திட்டத்தை திறம்பட செயல்படுத்துவதோடு, மின்சார பேருந்துகளின் எண்ணிக்கையை உயர்த்தி, சுற்றுச்சூழலுக்கு உகந்த போக்குவரத்தை மேம்படுத்தவும் முதல்வர் விஜய் உத்தரவிட்டார்.
