ஸ்ரீரங்கம் நகர காங்கிரஸ் கமிட்டி அலுவலகத்தில் இருந்து 2.80 கிலோ எடையுள்ள 104 ஹான்ஸ் பாக்கெட்டுகள் பறிமுதல் செய்யப்பட்டுள்ளது.
ஸ்ரீரங்கம் ராஜகோபுரம் அருகே உள்ள பழைய பேருந்து நிலையம் அருகில் காங்கிரஸ் கட்சியின் அலுவலகமான காமராஜர் அரங்கம் அமைந்துள்ளது. இங்கு கடந்த சில நாட்களுக்கு முன்பு இரவு போலீசார் சோதனை மேற்கொண்டனர். அப்போது, 2 கிலோ எடை கொண்ட 104 புகையிலை பாக்கெட்டுகள் மறைத்து வைக்கப்பட்டிருந்தது கண்டறியப்பட்டது.
இதனை பதுக்கி வைத்த மேல அடையவளஞ்சான் வீதியைச் சேர்ந்த நடராஜன் என்ற பாதயாத்திரை நடராஜனை போலீசார் கைது செய்தனர். இவர் காங்கிரஸ் கட்சியின் ஸ்ரீரங்கம் கிளை செயலாளராக உள்ளார்.
அரசியல் கட்சி அலுவலகத்திலேயே போதைப்பொருட்கள் பறிமுதல் செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.
