மிசாவை பார்த்தவர்கள் என கூறுவது சரியல்ல – முதல்வர் விஜய் ஆவேசம்

முதல்வர் விஜய் சட்டசபையில் ஆவேசமாக பேசினார்

சட்டமன்றத்தில் முதல்வர் விஜய், 'எதுக்கெடுத்தாலும், நாங்கள் மிசாவை பார்த்தவர்கள், மிசாவை பார்த்தவர்கள் என்று கூறுகிறார்கள். மிசா பற்றிய வரலாறு அனைவருக்கும் தெரியும்' என்று ஆவேசமாக பேசினார்.

சட்டசபையில், 'எலும்பை உடைப்பேன்' போன்ற பேச்சுக்கள் தற்போது தேவையா என்றும், பெண்கள் குறித்து யாராவது ஒருவராக பேசியதாகவும் முதல்வர் விஜய் கேள்வி எழுப்பினார். இது போன்ற பேச்சுக்களுக்கு சட்டம் நிச்சயம் தண்டனை பெற்றுத்தரும் என்றும் அவர் தெரிவித்தார்.

பழிவாங்கும் எண்ணத்தில் நான் அரசியலுக்கு வரவில்லை என்றும், அப்படி நினைத்தால் அதற்கு நான் பொறுப்பில்லை என்றும் அவர் கூறினார். அரசியல் ரீதியாக கடுமையாக விமர்சிப்பது எந்த தவறும் இல்லை என்றாலும், தனிப்பட்ட விமர்சனங்களைத் தவிர்க்க வேண்டும் என்றும் அவர் கேட்டுக்கொண்டார்.

திமுகவிற்கு வாக்களிக்காததால் தங்களை எதிரணியினர் விமர்சிப்பதாகவும், இது போன்ற பேசிப் பேசி எதிர் கட்சி வரிசையில் இருப்பதாகவும் அவர் தெரிவித்தார். யாருக்கும் நான் அறிவுரை கூற வரவில்லை என்றும், இதுதான் யதார்த்தம் என்றும் அவர் குறிப்பிட்டார்.

சட்டசபையில் மறைந்த முன்னாள் முதல்வர் ஜெயலலிதா பட்ட அவமானங்கள் அனைவருக்கும் தெரியும் என்றும், மக்கள் தீர்ப்பை ஏற்றுக்கொள்ள மனம் இல்லாதவர்கள் ஏன் இந்த அரசியலில் இருக்க வேண்டும் என்பது போன்ற கேள்விகள் எழுவதாகவும் அவர் தெரிவித்தார்.

திமுகவினருக்கு அறிவுரை கூற வேண்டாம் என்று எதிர்க்கட்சிகள் கோஷம் எழுப்பியதைத் தொடர்ந்து, திமுகவினருக்கு அறிவுரை கூற நான் வரவில்லை என்று முதல்வர் விஜய் பதிலளித்தார்.

மேலும், 'திமுகவுக்கு வாக்களிக்காதவர்களுக்கு நல்ல சாவு கூட வராது' என்று மற்றொரு சட்டப்பேரவை உறுப்பினர் கூறுவதாகவும், மக்களின் தீர்ப்பை ஏற்காத நீங்கள் ஏன் அரசியலில் இருக்க வேண்டும் என்றும் முதல்வர் விஜய் கேள்வி எழுப்பினார். இதனால் அவையில் கூச்சலும் குழப்பமும் ஏற்பட்டது.

இது குறித்துக் கேட்டால், அரசியலில் பல காலமாக இருப்பவர்கள், 'நாங்கள் அந்தக் காலத்தில் பேசாத பேச்சா?' என்று கேட்கிறார்கள். ஜெயலலிதா எதிர்க்கட்சியினரால் பல அவமானங்களை சந்தித்தார். அந்தக் காலத்தின் துருப்பிடித்த அரசியல் நமக்கு எதற்கு? நமது நண்பர்கள் எது பேசினாலும் நாங்கள் மிசாவைப் பார்த்தவர்கள் என்று கூறுகிறார்கள். மிசாவைப் பற்றி அனைவருக்கும் தெரியும் என்றும் விஜய் குறிப்பிட்டுப் பேசினார்.

Author

Fernandez

Senior Reporter

Fernandaz – MDTV 24x7 News நிறுவனத்தின் Senior Reporter மற்றும் General News Writer ஆக பணியாற்றி வருகிறார். அரசியல், சமூக நிகழ்வுகள், மக்கள் பிரச்சினைகள் மற்றும் முக்கிய நடப்பு செய்திகளை துல்லியமாகவும் விரைவாகவும் மக்களிடம் கொண்டு சேர்ப்பதில் அனுபவம் பெற்றவர். நம்பகமான தகவல்களை தரமான செய்திகளாக வழங்கும் நோக்கத்துடன் செய்தித்துறையில் தொடர்ந்து செயல்பட்டு வருகிறார்.

Share This Article
Senior Reporter Fernandaz – MDTV 24x7 News நிறுவனத்தின் Senior Reporter மற்றும் General News Writer ஆக பணியாற்றி வருகிறார். அரசியல், சமூக நிகழ்வுகள், மக்கள் பிரச்சினைகள் மற்றும் முக்கிய நடப்பு செய்திகளை துல்லியமாகவும் விரைவாகவும் மக்களிடம் கொண்டு சேர்ப்பதில் அனுபவம் பெற்றவர். நம்பகமான தகவல்களை தரமான செய்திகளாக வழங்கும் நோக்கத்துடன் செய்தித்துறையில் தொடர்ந்து செயல்பட்டு வருகிறார்.
கருத்துகள் இல்லை

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Exit mobile version