சென்னையில் சுற்றுச்சூழல் மாசுபாட்டைக் குறைக்கும் உயரிய நோக்குடன், சென்னை மாநகர போக்குவரத்துக் கழகத்தின் சார்பில் புதிய குளிர்சாதன மின்சாரப் பேருந்துகள் அறிமுகப்படுத்தப்பட்டுள்ளன. இதன் தொடர்ச்சியாக, முதலமைச்சர் விஜய் இன்று (ஆக.25) தலைமைச் செயலகத்தில் இருந்து இந்த புதிய பேருந்துகளின் சேவையை கொடியசைத்து தொடங்கி வைத்தார்.
முதற்கட்டமாக, சுமார் ரூ.697 கோடி மதிப்பீட்டில் 625 தாழ்தள மின்சாரப் பேருந்துகள் வியாசர்பாடி, பெரும்பாக்கம், பூந்தமல்லி, சென்ட்ரல் பணிமனை மற்றும் தண்டையார்பேட்டை-1 ஆகிய 5 பணிமனைகளில் இருந்து இயக்கப்பட்டு வருகின்றன. இவை மொத்த விலை ஒப்பந்தத்தின் அடிப்படையில் கொள்முதல் செய்யப்பட்டுள்ளன.
இதனைத் தொடர்ந்து, இரண்டாம் கட்டமாக 750 புதிய தாழ்தள குளிர்சாதன மின்சாரப் பேருந்துகள் இயக்க திட்டமிடப்பட்டுள்ளது. இந்த பேருந்துகள் ஆலந்தூர், சென்டிரல் பணிமனை-2, பெரம்பூர், பாடியநல்லூர், ஆவடி, கே.கே. நகர் மற்றும் ஐயப்பன்தாங்கல் உள்ளிட்ட 7 பணிமனைகளில் இருந்து சேவை வழங்கும்.
குறிப்பாக, ஆலந்தூர் பணிமனையில் இருந்து முதன் முதலாக 130 ஏ.சி. மின்சாரப் பேருந்துகள் இயக்கப்பட உள்ளன. இந்த புதிய பேருந்துகளின் சேவையை முதலமைச்சர் விஜய் சென்னை தலைமைச் செயலகத்தில் இருந்தபடி இன்று தொடங்கி வைத்தார். இந்த பேருந்துகள் தாழ்தள வசதியுடன் கூடிய நவீன குளிர்சாதன வசதிகளைக் கொண்டுள்ளன.
சென்னையில் புதிதாக கொள்முதல் செய்யப்பட்ட 130 தாழ்தள மின்சார ஏ.சி. மாநகரப் பேருந்துகளின் சேவையை முதலமைச்சர் விஜய் இன்று தொடங்கி வைத்தார். இதற்காக சுமார் ரூ.234 கோடி செலவிடப்பட்டுள்ளது. இந்த பேருந்துகள் சுற்றுச்சூழலுக்கு மிகவும் உகந்தவையாகும்.
நவீன வசதிகளுடன் கூடிய இந்தப் பேருந்துகள் மூலம் சென்னையில் பொதுப் போக்குவரத்து சேவை மேலும் மேம்படும் என்று போக்குவரத்துத் துறை அமைச்சர் விஜய் தமிழன் பார்த்திபன் தெரிவித்துள்ளார். இந்தப் புதிய பேருந்துகள் பயணிகளுக்கு சிறந்த அனுபவத்தை வழங்கும் என எதிர்பார்க்கப்படுகிறது.
