இந்தியாவில் மின்சார ஸ்கூட்டர்களின் பயன்பாடு நாளுக்கு நாள் அதிகரித்து வரும் நிலையில், ஓலா, ஏதர் நிறுவனங்களுக்கு போட்டியாக BGauss நிறுவனம் தனது புதிய இ-ஸ்கூட்டர்களை அறிமுகப்படுத்தியுள்ளது. இந்த ஸ்கூட்டர்களின் சிறப்பம்சங்கள் மற்றும் விலை குறித்த விவரங்களை விரிவாகக் காண்போம்.
BGauss C12 மாடல் மூன்று வேரியண்ட்களில் கிடைக்கிறது. இதன் ஆரம்ப விலை ரூபாய் 1 லட்சத்து 11 ஆயிரத்து 989 முதல் டாப் வேரியண்ட் ரூபாய் 1 லட்சத்து 34 ஆயிரத்து 989 வரை உள்ளது. 2 மற்றும் 2.7 கிலோவாட் பேட்டரி பொருத்தப்பட்ட இந்த ஸ்கூட்டர்கள், குறைந்தபட்சம் 85 கிலோமீட்டர் முதல் அதிகபட்சமாக 123 கிலோமீட்டர் வரை மைலேஜ் வழங்கும் திறன் கொண்டவை. கருப்பு, பச்சை, வெள்ளை, பச்சை வெள்ளை, மஞ்சள் உள்ளிட்ட பல்வேறு வண்ணங்களில் இந்த மாடல் கிடைக்கிறது. ஃபாஸ்ட் சார்ஜிங் வசதி, சிபிஎஸ் பிரேக்கிங் சிஸ்டம், லித்தியம் அயன் பேட்டரி, முன்பக்கம் மற்றும் பின்பக்கம் ட்ரம் பிரேக், ஸ்டீல் சக்கரங்கள் ஆகியவை இதன் முக்கிய அம்சங்களாகும். இதன் எடை 106 கிலோ.
BGauss Oowah இ-ஸ்கூட்டர் ரூபாய் 99 ஆயிரத்து 489 என்ற விலையில் இரண்டு வேரியண்ட்களில் வருகிறது. 2.3 கிலோவாட் மற்றும் 3 கிலோவாட் பேட்டரி பொருத்தப்பட்ட இதன் விலை ரூபாய் 99 ஆயிரத்து 489 மற்றும் ரூபாய் 1 லட்சத்து 27 ஆயிரத்து 989 ஆகும். பச்சை, வெளிர் நீலம் மற்றும் வெள்ளை நிறங்களில் கிடைக்கும் இந்த ஸ்கூட்டர், ஒரு முறை சார்ஜ் செய்தால் 145 கிலோமீட்டர் வரை மைலேஜ் அளிக்கும். இதன் எடை 97 கிலோ மற்றும் 104 கிலோ ஆகும். சிபிஎஸ் பிரேக்கிங் சிஸ்டம், முன்பக்கம் மற்றும் பின்பக்கம் ட்ரம் பிரேக், ஸ்டீல் சக்கரங்கள், ஹைட்ராலிக் டெலிஸ்கோபிக் ஃபோர்க், டபுள் ஹைட்ராலிக் ஸ்ப்ரிங் சஸ்பென்சன் ஆகியவை இதில் இடம்பெற்றுள்ளன.
BGauss BG RUV 350 இ-ஸ்கூட்டரின் விலை ரூபாய் 1 லட்சத்து 52 ஆயிரத்து 989 ஆகும். இந்த மாடலும் ஒரு முறை சார்ஜ் செய்தால் 145 கிலோமீட்டர் வரை மைலேஜ் வழங்கும். இது அதிகபட்சமாக மணிக்கு 75 கிலோமீட்டர் வேகத்தில் செல்லக்கூடியது. வெள்ளை, கருஞ்சிவப்பு, சாம்பல், கருப்பு, கருநீலம் ஆகிய வண்ணங்களில் கிடைக்கும் இதில் 3 கிலோவாட் பேட்டரி பொருத்தப்பட்டுள்ளது. சிபிஎஸ் பிரேக்கிங் சிஸ்டம், முன்பக்கம் மற்றும் பின்பக்கம் ட்ரம் பிரேக், அலாய் சக்கரங்கள் ஆகியவை இதன் சிறப்பம்சங்களாகும். இதன் எடை 122 கிலோ.
இந்த BGauss இ-ஸ்கூட்டர்களில் ப்ளூடூத், ஜிபிஎஸ் வசதிகள் உள்ளன. டிஜிட்டல் ஓடோமீட்டர், ஸ்பீடோமீட்டர், ட்ரிப்மீட்டர், லோ பேட்டரி இண்டிகேட்டர், ஸ்டாண்ட் அலாரம், கால்/எஸ்எம்எஸ் அலர்ட் மற்றும் செல்ஃப் ஸ்டார்ட் வசதி ஆகியவை வழங்கப்பட்டுள்ளன. மேலும், எல்இடி முகப்பு விளக்குகளும் பொருத்தப்பட்டுள்ளன.
