ஐபிஎல் தொடரில் நேற்று நடைபெற்ற பஞ்சாப் அணிக்கு எதிரான ஆட்டத்தில் பெங்களூரு அணி அபார வெற்றி பெற்றுள்ளது. இதன் மூலம், நடப்பு சீசனில் பிளே ஆஃப் சுற்றுக்கு முன்னேறிய முதல் அணி என்ற பெருமையை பெங்களூரு பெற்றுள்ளது.
ஆட்டத்திற்குப் பிறகு பேசிய பெங்களூரு அணியின் பொறுப்பு கேப்டன் ஜிதேஷ் சர்மா, 'பேட்டிங் மற்றும் பந்துவீச்சு என இரண்டிலும் நாங்கள் ஆட்டத்தை முழுமையாக கட்டுப்படுத்தினோம். எந்த அழுத்தமும் எங்களுக்கு இல்லை. களத்தில் என்ன செய்ய வேண்டும் என்பதை நாங்கள் தெளிவாக அறிந்திருந்தோம்' என்று கூறினார்.
மேலும் அவர், 'எங்கள் அணியின் தாரக மந்திரம் மிகவும் எளிமையானது. அதுதான் இன்றைய ஆட்டத்தில் முழுமையாக கவனம் செலுத்துவது. நாங்கள் எதிர்காலத்தைப் பற்றியோ அல்லது வேறு எதைப் பற்றியோ சிந்திப்பதில்லை. ஒவ்வொரு போட்டியிலும் எங்களின் சிறந்த ஆட்டத்தை வெளிப்படுத்த விரும்புகிறோம், அவ்வளவுதான்' என்று தனது அணியின் அணுகுமுறையை விளக்கினார்.
இந்த வெற்றியின் மூலம் பெங்களூரு அணி ஐபிஎல் தொடரின் அடுத்தகட்டத்தை நோக்கி நம்பிக்கையுடன் முன்னேறியுள்ளது. மற்ற அணிகளுக்கு இது ஒரு எச்சரிக்கையாகவும் அமைந்துள்ளது.
