சத்யசிவா இயக்கத்தில் நடிகர் உறியடி விஜய் குமார் நடித்துள்ள புதிய திரைப்படம் 'அறிவு'. இந்த படத்திற்கு டி. இமான் இசையமைத்துள்ளார். இதில் கதாநாயகியாக கயல் ஆனந்தி நடித்துள்ளார். மோட்டிவ்ட்ரோன் புரொடக்ஷன் சார்பில் சாய்வினோத் ஜெயக்குமார் தயாரித்துள்ள இப்படம், பெண்களின் உரிமைகள், சமூகத்தில் அவர்கள் எதிர்கொள்ளும் சவால்கள் மற்றும் பெண்களின் வலிமை ஆகியவற்றை மையமாகக் கொண்டு உருவாகியுள்ளது.
பெண்களின் முக்கியத்துவத்தையும், அவர்கள் சந்திக்கும் பிரச்சனைகளையும், அவர்களின் மன உறுதியையும் அழுத்தமாகப் பேசும் படமாக 'அறிவு' இருக்கும் என எதிர்பார்க்கப்படுகிறது. இதனால், இப்படம் ஒரு முக்கியமான சமூகச் செய்தியை மக்களுக்கு எடுத்துரைக்கும் என நம்பப்படுகிறது. படத்தின் படப்பிடிப்பு மூணாறு உள்ளிட்ட பகுதிகளில் நிறைவடைந்துள்ளது. படப்பிடிப்பின் மேக்கிங் வீடியோவை படக்குழு ஏற்கனவே வெளியிட்டுள்ளது.
விரைவில் திரைக்கு வரவுள்ள 'அறிவு' படத்தின் டப்பிங் பணிகள் இன்று முதல் தொடங்கியுள்ளன. நடிகர் விஜயகுமார் மற்றும் கயல் ஆனந்தி நடித்துள்ள இந்த படத்தின் டப்பிங் பணிகள் துவங்கியுள்ளதை படக்குழு அதிகாரப்பூர்வமாக அறிவித்துள்ளது. இது படத்தின் மீதான எதிர்பார்ப்பை மேலும் அதிகரித்துள்ளது.
'அறிவு' திரைப்படம் பெண்களின் பிரச்சனைகளை தைரியமாகப் பேசும் ஒரு படைப்பாக இருக்கும் என எதிர்பார்க்கப்படுகிறது. படத்தின் பணிகள் விறுவிறுப்பாக நடைபெற்று வரும் நிலையில், விரைவில் வெளியீட்டு தேதி குறித்த அறிவிப்பு வெளியாகும் என எதிர்பார்க்கப்படுகிறது.
