617 கி.மீ மைலேஜ் தரும் Hero Splendor Plus Flex Fuel பைக்!

இந்தியாவின் முன்னணி இரு சக்கர வாகன தயாரிப்பு நிறுவனமான ஹீரோ, தனது புகழ்பெற்ற ஸ்ப்ளெண்டர் பிளஸ் பைக்கின் புதிய அப்டேட் வெர்ஷனாக ஹீரோ ஸ்ப்ளெண்டர் பிளஸ் ஃப்ளெக்ஸ் ஃபியூயல் பைக்கை அறிமுகப்படுத்தியுள்ளது. மைலேஜ் மற்றும் வசதிகளில் சிறந்து விளங்கும் இந்த பைக், வாடிக்கையாளர்கள் மத்தியில் பெரும் வரவேற்பைப் பெற்றுள்ளது.

இந்த புதிய ஹீரோ ஸ்ப்ளெண்டர் பிளஸ் ஃப்ளெக்ஸ் ஃபியூயல் பைக் ஒரே ஒரு வேரியண்டில் ரூபாய் 94,361 என்ற விலையில் கிடைக்கிறது. இதில் 97.2 சிசி எஞ்சின் பொருத்தப்பட்டுள்ளதுடன், 4 கியர் வசதியும் உள்ளது. இந்த பைக் ஒரு லிட்டருக்கு 63 கிலோமீட்டர் வரை மைலேஜ் வழங்கும் திறன் கொண்டது. மேலும், இதன் எடை 113 கிலோ ஆகும்.

இந்த பைக்கின் பெட்ரோல் டேங்கர் கொள்ளளவு 9.8 லிட்டர் ஆகும். இருக்கையின் உயரம் 785 மி.மீட்டர். இந்த ஹீரோ ஸ்ப்ளெண்டர் பிளஸ் ஃப்ளெக்ஸ் ஃபியூயல் பைக் கருப்பு நிறத்தில் கிடைக்கிறது. பெட்ரோல் டேங்கரில் மட்டும் நீலம், வெள்ளை, வெளிர்பச்சை போன்ற வண்ண விருப்பங்கள் உள்ளன. இந்த பைக் 8.44 பிஎச்பி குதிரை ஆற்றலையும், 8.3 என்எம் டார்க் இழுவிசையையும் கொண்டுள்ளது. இதன் அதிகபட்ச வேகம் மணிக்கு 87 கிலோமீட்டர் ஆகும்.

குறிப்பாக, ஒரு முறை பெட்ரோல் டேங்கர் முழுமையாக நிரப்பப்பட்டால், இந்த பைக் 617.4 கிலோமீட்டர் தூரம் வரை பயணிக்க முடியும். இது ஒரு சிலிண்டர், ஏர் கூல்ட் மற்றும் 2 வால்வுகள் கொண்ட எஞ்சின் வகையைச் சார்ந்தது. பிஎஸ்6 பாஸ் 2 பி எமிஷன் ஸ்டாண்டர்டுடன், ஐபிஎஸ் பிரேக்கிங் சிஸ்டம் இதில் பொருத்தப்பட்டுள்ளது. முன்பக்கம் மற்றும் பின்பக்கம் என இரண்டு சக்கரங்களிலும் ட்ரம் பிரேக் வசதி உள்ளது. அலாய் சக்கரங்கள் பயன்படுத்தப்பட்டுள்ளன.

முன்பக்க மற்றும் பின்பக்க சக்கரங்கள் 18 இன்ச் அளவு கொண்டவை. ட்யூப்லெஸ் டயர்கள் பொருத்தப்பட்டுள்ளன. முன்பக்கத்தில் டெலிஸ்கோபிக் ஹைட்ராலிக் ஷாக் அப்சார்பர்ஸ் மற்றும் பின்பக்கத்தில் 5 ஸ்டெப் அட்ஜெஸ்டபிள் ஹைட்ராலிக் ஷாக் அப்சார்பர்சும் சஸ்பென்ஷனாக வழங்கப்பட்டுள்ளது. பைக்கின் கிரவுண்ட் கிளியரன்ஸ் 165 மி.மீட்டர் ஆகும். மேலும், 1 லிட்டர் ரிசர்வ் டேங்க் வசதியும் உள்ளது.

இந்த பைக் 70,000 கிலோமீட்டர் அல்லது 5 வருடங்களுக்கு வாரண்ட்டியுடன் வருகிறது. செமி டிஜிட்டல் இன்ஸ்ட்ரூமென்ட் கன்சோல், அனலாக் வசதி, டிஜிட்டல் ஃபியூயல் கேஜ், 1 ட்ரிப்மீட்டர் மற்றும் லோ ஃபியூயல் இண்டிகேட்டர் போன்ற வசதிகள் இதில் அடங்கும்.

இருப்பினும், டேக்கோமீட்டர், ஸ்டாண்ட் அலாரம், கியர் இண்டிகேட்டர், கியர் ஷிப்ட் லைட், லோ ஆயில் இண்டிகேட்டர், ஹை பீம் இண்டிகேட்டர் போன்ற வசதிகள் இதில் இல்லை. கால்/எஸ்எம்எஸ் அலர்ட் வசதிகளும் கிடையாது. முன்பக்கத்தில் யுஎஸ்பி சார்ஜிங் வசதி உள்ளது. சைட் ஸ்டாண்ட் எஞ்சின்/மோட்டார் கட் ஆஃப் வசதி, கிக்/செல்ஃப் ஸ்டார்ட், சைலன்ஸ் கவர், கில் ஸ்விட்ச், ஆட்டோமேட்டிக் ஸ்டார்ட்/ஸ்டாப் போன்ற வசதிகள் உள்ளன. ஹாலோஜன் முகப்பு விளக்குகள் பகலிலும் எரியும் வகையில் வடிவமைக்கப்பட்டுள்ளது. பிரேக் மற்றும் டெயில் விளக்குகளும் ஹாலோஜனில் அமைந்துள்ளன.

சிறந்த மைலேஜ், எளிதாக ஓட்டும் தன்மை மற்றும் குறைவான எடை ஆகியவற்றால் இந்த ஹீரோ ஸ்ப்ளெண்டர் பிளஸ் ஃப்ளெக்ஸ் ஃபியூயல் பைக் வாடிக்கையாளர்களை வெகுவாகக் கவர்ந்துள்ளது.

Author

Fernandez

Senior Reporter

Fernandaz – MDTV 24x7 News நிறுவனத்தின் Senior Reporter மற்றும் General News Writer ஆக பணியாற்றி வருகிறார். அரசியல், சமூக நிகழ்வுகள், மக்கள் பிரச்சினைகள் மற்றும் முக்கிய நடப்பு செய்திகளை துல்லியமாகவும் விரைவாகவும் மக்களிடம் கொண்டு சேர்ப்பதில் அனுபவம் பெற்றவர். நம்பகமான தகவல்களை தரமான செய்திகளாக வழங்கும் நோக்கத்துடன் செய்தித்துறையில் தொடர்ந்து செயல்பட்டு வருகிறார்.