மாருதி சுசூகி நிறுவனம் தனது புதிய ப்ரெசா காரை வெறும் 7.40 லட்சம் ரூபாய் என்ற ஆரம்ப விலையில் அறிமுகம் செய்து வாடிக்கையாளர்களை அசத்தியுள்ளது. இந்த புதிய மாடல், மேம்படுத்தப்பட்ட இன்ஜின் ஆப்ஷன், புதிய கியர்பாக்ஸ், கூடுதல் வசதிகள் மற்றும் வெளிப்புறத்தில் சில முக்கிய காஸ்மெட்டிக் மாற்றங்களுடன் வந்துள்ளது.
தற்போது சந்தையில் உள்ள ஹூண்டாய் வென்யூ, ஸ்கோடா கைலாக், டாடா நெக்சான், மஹிந்திரா எக்ஸ்யூவி 3எக்ஸ்ஓ, கியா சோனட், கியா சைரஸ் போன்ற கார்களுக்கு இந்த புதிய 2026 ப்ரெசா மாடல் ஒரு பெரும் போட்டியாக அமையும் என எதிர்பார்க்கப்படுகிறது.
வாடிக்கையாளர்களை அதிகம் ஈர்க்கும் நோக்கிலும், சற்று பவர்ஃபுல்லான இன்ஜினை வழங்கும் இலக்குடனும், மாருதி சுசூகி நிறுவனம் புதிதாக 1.0 லிட்டர் பூஸ்டர்ஜென் இன்ஜினை அறிமுகம் செய்துள்ளது. இந்த இன்ஜின் 110 ஹெச்பி ஆற்றலையும், 170 நியூட்டன் டார்க்கையும் வெளிப்படுத்தும் திறன் கொண்டது.
பழைய ப்ரெசா காரில் இருந்த 5 ஸ்பீட் கியர்பாக்ஸிற்கு பதிலாக, தற்போதைய டிரெண்டுகளுக்கு ஏற்ப 6 ஸ்பீட் கியர்பாக்ஸ் இதில் கொடுக்கப்பட்டுள்ளது. இது ஓட்டுநர் அனுபவத்தை மேம்படுத்தும்.
மேலும், முன்பக்க இருக்கைகளில் வென்டிலேஷன் வசதி, ஏர் ப்யூரிஃபையர், மற்றும் 10.1 இன்ச் பெரிய டச்ஸ்கிரீன் இன்ஃபோடெயின்மென்ட் சிஸ்டம் போன்ற பல முக்கிய அம்சங்கள் இளம் வாடிக்கையாளர்களைக் கவரும் வகையில் சேர்க்கப்பட்டுள்ளன. இதன் மூலம் மாருதி நிறுவனம் தனது கார்களில் டர்போ ஆப்ஷனை அறிமுகப்படுத்தியுள்ளது.
பழைய மாடல்களைப் போலவே, இந்த புதிய மாடலிலும் சிஎன்ஜி ஆப்ஷன் underbody-mounted kit மூலம் வழங்கப்பட்டுள்ளது. இதன் சிறப்பு என்னவென்றால், இது பூட் ஸ்பேஸை கூடுதலாகப் பயன்படுத்திக் கொள்ள வழிவகுக்கும். இதேபோன்ற ஒரு சேவையை விக்டோரிஸ் காரிலும் மாருதி நிறுவனம் கொண்டு வந்துள்ளது.
இந்த புதிய மாடல், அதன் கவர்ச்சிகரமான விலை, மேம்பட்ட அம்சங்கள் மற்றும் புதிய இன்ஜின் ஆப்ஷன்களுடன் இந்திய கார் சந்தையில் ஒரு வலுவான போட்டியாளராக உருவெடுக்கும் என எதிர்பார்க்கப்படுகிறது.
