தமிழகம் முழுவதும் 5 மண்டலங்களில் மொத்தம் 717 டாஸ்மாக் கடைகளை மூடுவதற்கு அரசு உத்தரவிட்டுள்ளது. இந்த திடீர் அறிவிப்பு பல்வேறு தரப்பினரிடையே விவாதப் பொருளாகியுள்ளது. எந்தெந்த மண்டலங்களில் எத்தனை கடைகள் மூடப்படுகின்றன என்ற முழுமையான விவரங்கள் வெளியிடப்பட்டுள்ளன.
சென்னை மண்டலத்தில், சென்னை தெற்கு (14), வடக்கு (18), மத்தியம் (15), காஞ்சிபுரம் வடக்கு (12), தெற்கு (7), திருவள்ளூர் மேற்கு (4), கிழக்கு (29) என மொத்தம் 99 கடைகள் மூடப்படுகின்றன. கோவை மண்டலத்தில், கரூர் (8), நீலகிரி (27), கோவை தெற்கு (21), வடக்கு (48), ஈரோடு (39), திருப்பூர் (30) என மொத்தம் 173 கடைகள் மூட உத்தரவிடப்பட்டுள்ளது.
மதுரை மண்டலத்தில், மதுரை வடக்கு (13), சிவகங்கை (18), கன்னியாகுமரி (18), நெல்லை (33), தூத்துக்குடி (63), மதுரை தெற்கு (32), விருதுநகர் (37), ராமநாதபுரம் (29), திண்டுக்கல் (26) என மொத்தம் 281 கடைகள் மூடப்பட உள்ளன. சேலம் மண்டலத்தில், வேலூர் (6), தர்மபுரி (7), கிருஷ்ணகிரி (6), அரக்கோணம் (7), திருவண்ணாமலை (20), சேலம் (20), நாமக்கல் (14) என மொத்தம் 80 கடைகள் மூடப்படுகிறது.
திருச்சி மண்டலத்தில், தஞ்சாவூர் (6), பெரம்பலூர் (5), திருவாரூர் (5), விழுப்புரம் (11), நாகப்பட்டினம் (4), திருச்சி (16), கடலூர் (21), புதுக்கோட்டை (16) என மொத்தம் 84 கடைகள் மூட உத்தரவிடப்பட்டுள்ளது. இந்த நடவடிக்கையின் பின்னணி குறித்த கூடுதல் தகவல்கள் விரைவில் வெளியாகும் என எதிர்பார்க்கப்படுகிறது.
