260 கி.மீ மைலேஜ் தரும் Avore EX2S மின்சார பைக் அறிமுகம்!

இந்தியாவில் மின்சார இரு சக்கர வாகனங்களின் பயன்பாடு அதிகரித்து வரும் நிலையில், Avore நிறுவனம் தனது புதிய Avore EX2S மின்சார பைக்கை அறிமுகப்படுத்தியுள்ளது. இந்த பைக் ஒருமுறை சார்ஜ் செய்தால் 260 கிலோமீட்டர் வரை பயணிக்கக்கூடியது என்பது குறிப்பிடத்தக்கது.

Avore EX2S மின்சார பைக்கின் விலை 1 லட்சத்து 77 ஆயிரத்து 106 ரூபாய் என நிர்ணயிக்கப்பட்டுள்ளது. இதில் 5 கிலோவாட் பேட்டரி பொருத்தப்பட்டுள்ளது. ஒரு முறை முழுமையாக சார்ஜ் செய்தால், இந்த பைக் 260 கிலோமீட்டர் தூரம் வரை பயணிக்க முடியும். இதன் அதிகபட்ச வேகம் மணிக்கு 114 கிலோமீட்டர் ஆகும். இந்த பைக்கின் மொத்த எடை 157 கிலோவாகும். இருக்கையின் உயரம் 790 மி.மீட்டர் ஆகும்.

இந்த பைக்கில் யுஎஸ்பி சார்ஜிங் போர்ட் வசதி வழங்கப்பட்டுள்ளது. மேலும், கருஞ்சாம்பல், வெள்ளை-நீலம் உள்ளிட்ட நான்கு விதமான வண்ணங்களில் இது கிடைக்கிறது. 250 டார்க் என்எம் இழுவைத்திறன் கொண்டது. எகோ, சிட்டி மற்றும் ஸ்போர்ட் என மூன்று விதமான ஓட்டும் முறைகளில் (modes) இந்த பைக் செயல்படும். பிஎம்எஸ்எம் மோட்டார் டைப் பயன்படுத்தப்பட்டுள்ளது. ஃபாஸ்ட் சார்ஜிங் வசதியும் இதில் உள்ளது.

பாதுகாப்பைப் பொறுத்தவரை, சிபிஎஸ் பிரேக்கிங் சிஸ்டம் வசதி இதில் உள்ளது. முன்பக்க மற்றும் பின்பக்க சக்கரங்களில் டிஸ்க் பிரேக்குகள் பொருத்தப்பட்டுள்ளன. அலாய் சக்கரங்கள் பயன்படுத்தப்பட்டுள்ளன. முன்பக்க மற்றும் பின்பக்க சக்கரங்கள் இரண்டும் 17 இன்ச் அளவுடையவை. ட்யூப்லெஸ் டயர்கள் பொருத்தப்பட்டுள்ளன.

சஸ்பென்ஷன் அமைப்பைப் பார்த்தால், முன்பக்கத்தில் டெலஸ்கோபிக் ஃபோர்க்ஸ் சஸ்பென்ஷனும், பின்பக்கத்தில் மோனோஷாக் சஸ்பென்ஷனும் கொடுக்கப்பட்டுள்ளது. பைக்கின் கிரவுண்ட் கிளியரன்ஸ் 180 மி.மீட்டர் ஆகும். பேட்டரிக்கு 5 ஆண்டுகள் அல்லது 60 ஆயிரம் கிலோமீட்டர் வரை வாரண்டியும், மோட்டாருக்கு 3 ஆண்டுகள் வாரண்டியும் வழங்கப்படுகிறது.

பயனர்களுக்கான வசதிகளில், டிஜிட்டல் டிஸ்ப்ளே கன்சோல், ப்ளூடூத் மற்றும் இன்டர்நெட் இணைப்புடன் கூடிய மொபைல் போன் வசதி, ஜிபிஎஸ் நேவிகேஷன் வசதி ஆகியவை இடம்பெற்றுள்ளன. ஸ்பீடோமீட்டர், ஓடோமீட்டர் போன்றவையும் டிஜிட்டல் முறையில் உள்ளன. டிஸ்டன்ஸ் டு எம்டி (Distance to Empty) வசதி, ஸ்டாண்ட் அலாரம், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர் போன்றவையும் இதில் அடங்கும்.

மேலும், திருட்டு தடுப்பு அமைப்பு (Anti-theft system), செல்ஃப் ஸ்டார்ட் வசதி, கில் ஸ்விட்ச், ஹில் அசிஸ்ட் (Hill Assist) வசதி, ரிவர்ஸ் மோட் பார்க்கிங் வசதி போன்ற நவீன அம்சங்களும் இந்த பைக்கில் கொடுக்கப்பட்டுள்ளன. எல்இடி ப்ரொஜெக்டர் முகப்பு விளக்குகள், பகலில் எரியும் விளக்குகள், ஹாலோஜன் முகப்பு விளக்குகள், ஹசார்ட் வார்னிங் விளக்குகள் போன்ற வெளிச்ச அமைப்புகளும் இதில் உள்ளன.

Author

Fernandez

Senior Reporter

Fernandaz – MDTV 24x7 News நிறுவனத்தின் Senior Reporter மற்றும் General News Writer ஆக பணியாற்றி வருகிறார். அரசியல், சமூக நிகழ்வுகள், மக்கள் பிரச்சினைகள் மற்றும் முக்கிய நடப்பு செய்திகளை துல்லியமாகவும் விரைவாகவும் மக்களிடம் கொண்டு சேர்ப்பதில் அனுபவம் பெற்றவர். நம்பகமான தகவல்களை தரமான செய்திகளாக வழங்கும் நோக்கத்துடன் செய்தித்துறையில் தொடர்ந்து செயல்பட்டு வருகிறார்.