இந்தியாவில் மின்சார இரு சக்கர வாகனங்களின் பயன்பாடு நாளுக்கு நாள் அதிகரித்து வரும் நிலையில், இ-ஸ்கூட்டர்களுக்கு இணையாக இ-பைக்குகளின் எண்ணிக்கையும் உயர்ந்து வருகிறது. இந்த சூழலில், மின்சார பைக்குகள் தயாரிப்பில் முன்னணி நிறுவனமான Oben, தனது புதிய Oben Rorr EZ இ-பைக்கை அறிமுகப்படுத்தியுள்ளது. இதன் விலை, தரம் மற்றும் மைலேஜ் குறித்த விரிவான தகவல்கள் இதோ:
Oben Rorr EZ மாடல் மூன்று விதமான வேரியண்ட்களில் கிடைக்கிறது. முதல் வேரியண்டான Rorr EZ 2.6 kWh, ரூபாய் 1 லட்சத்து 10 ஆயிரத்து 625 என்ற விலையிலும், இரண்டாவது வேரியண்டான Rorr EZ 3.4 kWh, ரூபாய் 1 லட்சத்து 31 ஆயிரத்து 048 என்ற விலையிலும், மூன்றாவது வேரியண்டான Rorr EZ 4.4 kWh, ரூபாய் 1 லட்சத்து 41 ஆயிரத்து 259 என்ற விலையிலும் விற்பனைக்கு வந்துள்ளது.
மைலேஜ் மற்றும் பேட்டரி திறன்:
முதல் வேரியண்டில் 2.6 கிலோவாட் பேட்டரி பொருத்தப்பட்டுள்ளது. இது ஒருமுறை சார்ஜ் செய்தால் 110 கிலோமீட்டர் வரை மைலேஜ் அளிக்கிறது. இரண்டாவது வேரியண்டில் 3.4 கிலோவாட் பேட்டரி உள்ளது. இது 140 கிலோமீட்டர் வரை மைலேஜ் தரும். மூன்றாவது மற்றும் அதிக திறன் கொண்ட வேரியண்டில் 4.4 கிலோவாட் பேட்டரி பொருத்தப்பட்டுள்ளது. இது ஒருமுறை சார்ஜ் செய்தால் அசரவைக்கும் 175 கிலோமீட்டர் வரை மைலேஜ் அளிக்கிறது.
பைக்குகளின் எடை மற்றும் வேகம்:
முதல் வேரியண்ட் 138 கிலோ எடையுடனும், இரண்டாவது வேரியண்ட் 143 கிலோ எடையுடனும், மூன்றாவது வேரியண்ட் 148 கிலோ எடையுடனும் வருகிறது. இந்த Oben Rorr EZ இ-பைக் அதிகபட்சமாக மணிக்கு 95 கிலோமீட்டர் வேகத்தில் செல்லக்கூடியது. மேலும், வெறும் 3 நொடிகளில் மணிக்கு 40 கிலோமீட்டர் வேகத்தை எட்டும் திறன் கொண்டது.
வண்ணங்கள் மற்றும் மோட் வசதிகள்:
இந்த புதிய மின்சார பைக் ஆரஞ்சு, வெள்ளை, மஞ்சள் மற்றும் நீலம் ஆகிய நான்கு வண்ணங்களில் கிடைக்கிறது. இது 52 Nm டார்க் இழுதிறன் கொண்டது. மேலும், எகோ, ஸ்போர்ட் மற்றும் ஹைபர் என மூன்று விதமான ஓட்டும் மோட்களைக் கொண்டுள்ளது. இதன் மோட்டார் IP67 ரேட்டிங் பெற்றுள்ளது.
பேட்டரி மற்றும் சார்ஜிங் அம்சங்கள்:
இந்த பைக்கில் ஒரு நிரந்தர லித்தியம் அயன் பேட்டரி பொருத்தப்பட்டுள்ளது. ஃபாஸ்ட் சார்ஜிங் வசதியும், போர்ட்டபிள் சார்ஜர் வசதியும் இதில் உள்ளன. யுபிஎஸ் பிரேக்கிங் சிஸ்டம், முன்பக்கம் மற்றும் பின்பக்கம் டிஸ்க் பிரேக், அலாய் சக்கரங்கள் மற்றும் 17 இன்ச் டயர்கள் ஆகியவை இதன் சிறப்பம்சங்களாகும்.
பிற முக்கிய அம்சங்கள்:
டியூப்லெஸ் டயர்கள், முன்பக்கம் டெலிஸ்கோபிக் ஃபோர்க் சஸ்பென்ஷன் மற்றும் பின்பக்கம் மோனோஷாக் அப்சார்பர் சஸ்பென்ஷன் ஆகியவை வசதியான பயணத்தை உறுதி செய்கின்றன. இருக்கை உயரம் 810 மி.மீட்டர் மற்றும் கிரவுண்ட் கிளியரன்ஸ் 200 மி.மீட்டர் ஆகும். பேட்டரிக்கு 3 வருடம் அல்லது 40 ஆயிரம் கிலோமீட்டர் வரையும், மோட்டாருக்கு 3 வருடம் வரையும் வாரண்டி வழங்கப்படுகிறது.
தொழில்நுட்ப வசதிகள்:
எல்சிடி டிஸ்ப்ளே, ப்ளூடூத் மற்றும் இன்டர்நெட் இணைப்பு, ஜிபிஎஸ் நேவிகேஷன் வசதி, டிஜிட்டல் ஸ்பீடோமீட்டர், ஓடோமீட்டர், 2 ட்ரிப்மீட்டர்கள், லோ பேட்டரி இண்டிகேட்டர், கால்/எஸ்எம்எஸ் அலர்ட், செல்ஃப் ஸ்டார்ட் போன்ற நவீன வசதிகள் இதில் அடங்கும். மேலும், பேட்டரி ஸ்டேட்டஸ், லைவ் சார்ஜிங் ஸ்டேட்டஸ், லொகேஷன் டிராக்கிங் போன்ற வசதிகளும் உள்ளன. எல்இடி முகப்பு விளக்குகள், பகலில் எரியும் விளக்குகள் மற்றும் பிரேக்/டெயில் விளக்குகள் பொருத்தப்பட்டுள்ளன.
