நறுமண சிகிச்சையில் முக்கியத்துவம் வாய்ந்த வெட்டி வேர், எண்ணற்ற ஆரோக்கிய நன்மைகளை வழங்குகிறது. குறிப்பாக, வெட்டி வேர் டானிக் பல நோய்களை விரட்டும் ஆற்றல் கொண்டது.
வெட்டி வேரின் மென்மையான மற்றும் குளிர்ச்சியான தன்மை, உடலில் ஏற்படும் வீக்கத்தைக் குறைக்கிறது. மேலும், ஆரோக்கியமான வெட்டி வேர் நரம்பு மண்டலம் மற்றும் சுழற்சி மண்டலத்தில் ஏற்படும் வீக்கத்தை நீக்குவதில் முக்கியப் பங்கு வகிக்கிறது. பக்கவாதம், வயிற்றுப்போக்கு போன்றவற்றால் ஏற்படும் அழற்சிக்கு இது ஒரு சிறந்த சிகிச்சை பொருளாகும்.
வெட்டிவேரில் உள்ள சிக்காட்ரிஷன்ட் எனும் பொருள், உடலில் வடுக்கள் மறைவதை துரிதப்படுத்துகிறது. வடுக்கள் ஏற்பட்ட இடத்தில் புதிய திசுக்கள் வளர்ந்து, இறந்த திசுக்களை மாற்றி அமைக்கிறது. பெண்களுக்கு பிரசவத்திற்குப் பிறகு வயிற்றில் ஏற்படும் வரி தழும்புகள், கொழுப்பு பிளவுகள், அம்மை தழும்புகள், தீக்காயங்கள் போன்றவற்றிற்கும் வெட்டி வேர் மருந்தாகப் பயன்படுகிறது. வெட்டி வேர் எண்ணெயை காயங்களில் தடவுவதன் மூலம் பாக்டீரியா மற்றும் நுண் கிருமிகளை செயலிழக்கச் செய்யலாம். இது வெளியுறுப்புகள் மற்றும் உள்ளுறுப்புகள் இரண்டிலும் காயங்களை குணமாக்குகிறது.
வெட்டி வேர் டானிக் செரிமானம், சுவாசம், நோயெதிர்ப்பு, நரம்பு, நாளமில்லா சுரப்பி போன்ற அனைத்து உறுப்புகளையும் சீர்படுத்துகிறது. இந்த டானிக் உடலை புத்துணர்ச்சி அடையச் செய்து, உடலுக்கு சக்தியை அதிகரித்து, நோயெதிர்ப்பு செயல்பாடுகளை மேம்படுத்துகிறது.
